Albistea entzun

BIRA

Delegatua

Miren Amuriza -

2018ko uztailak 24

Institutuan (DBHko 2. mailatik 3.era bitartean-edo) azalpen argirik bako jarrera aldaketa bat izan genuen: eredugarritzat geneuzkan lagunen alde bozkatzetik, estimu handirik ez genien ikaskideei botoa ematera pasatu ginen kurtsoko delegatua aukeratzean. Jende klase hura, zelan esan, eskolara alkandorarekin etortzen zena eta hautazkotzat Etika barik Erlijioa hartzen zuena zen; askojakina, Informe Semanal ikusten zuela esaten zuenetakoa. Berba soltekoa (institutuko klaustroan zein Intereconomíako tertulia batean ondo pintatuko zukeena) eta koipe-emailea: ni harro nago Mateko maisuaz, ikasketa-buruaz, Aznarrez, Fragaz eta Borboiez! Nostalgiko samarra, noski: haiek bai garaiak, haiek; ez eutanasiarik, ez aborturik, ez enparaurik... Jende klase hura bere burua moderatutzat zeukanetarikoa zen (eskumakoa ni?); gutxiengoen kontra jarduten zuena eta institutua amaitutakoan mapatik ere desagertu zena. Denboragarrenera albistegian ikus zenezakeen jendea, hantxe, PPko goi kargudunen baten atzean jarrita Nuevas Generaciones-ekoekin. Usterik gutxien duzun lekuan agertzen denetarikoa baita horrelako jendea: aseguru konpainia baten iragarkietan, adibidez, edo Espainiako presidentetzarako lehian. Lehenago edo geroago, beti itzultzen baita bere egunean kurtsoko delegatua izateko aukeratu genuen jende-modu hura; mendeku gosez itzuli ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.