Noiz sortua: 2020-02-14 00:30:00

HITZ ETZANAK

Zer?

Andoni Egaña -

2020ko otsailak 14
Zer sentituko du Billy el Niño polizia torturatzaileak bizitzari koska handi bat kendu dion honetan? Harro egongo da egin duen ibilbideaz? Kosta egiten zait baietz sinestea. Guztiok ditugu gorabeherak eta argi-itzalak, baina bere izena tekleatu eta Wikipedian ere, orria joan eta orria etorri, txarkeria baino azaltzen ez denean, eman behar lioke zer pentsatua. Akaso porrot edo damu sentimendua eskatze hutsa gehiegi da zenbaitentzat. Zer sentituko du Donostian auskalo zenbat eraikinen jabe egin berri den funts bateko izenik ere gabeko bazkideak? Etxebizitzen edo alokairuen salneurria erabat puztu, gazteen sakelak zeharo hustu, eta zoriontsu sentitzen da diru artean igeri? Lanak ematen dizkit sinesteak.

Zer sentituko du kirol-taldeen maskoten barruan doan pertsonak, bere adin-jirako kirolari garaiz aurretik aberastuen ondoan pozaren pozaz saltoka ekiten dionean? Etxera itzultzean ez du jendarte hau madarikatzen? Ez da nazkatzen barruko itolarritik kanpora alaitasuna azaldu beharraz? Baietz esango nuke...

Zein etorkizun du Gotzon, Caballo eta Luisito bai, eta Angel Olaran edo Pedro Migel Etxenike ezagutzen ez dituen jendarte honek? Zergatik ez digu inork azaldu DAZN ahoskatzean bigarren bokala «O» dela eta ez beste edozein?

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna