HITZ ETZANAK

Ziurtagiriak

Andoni Egaña -

2020ko urriak 29

Asteburu pasa egitea erabaki genuen. Larunbat iluntzean Elizondon geneukan jaialdia eta igande goizez Senperen. Ez zuen merezi atzera-aurrera ibiltzerik. Amaiurren egingo genuen lau bertsolariok lo.

Amaitu genuen Elizondoko jaialdia eta kalean barrena afaritara bidean, han sumatu genuen lauotako bat, jaialdia iragartzen zuen hormako txartel bat —non gure izen-deiturak eta argazkiak zetozen— kontu handiz soltatu, tolestatu ongi, eta sakelean sartzen. Bere buruaren —edo gure— jarraitzaile sutsu horietakoa zirudien. Harriturik, zer ari zen galdetu genionean, irribarrez eman zigun azalpena. Behin behar eta inongo dokumenturik gabe zebilela. Biharamun goizean muga pasatu behar genuela eta kontrolen batekin topo egiteko aukera handia geneukala. «Zuek ekarriko zenuten karneta edo pasaportea edo horrelako zerbait, ezta? Konpondua dago orduan. Zuek paperak erakutsi, eta nik jaialdiko txartela erakutsiko diet. Hau Lizaso, hau Murua, hau Egaña eta bestea… ni noski!».

Lagunari barre egin genion orduan, baina neure burua sumatu dut, gaur, jaialdi bat iragartzen duen pantailako txartela inprimitu asmotan. Geure buruen idazkari bihurtu gaituzte sortzaileak. Ziurtagiri biltzaile, ezkutukoaren ziurgabetasunaren bila ibili behar genukeenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna