HITZ ETZANAK

Abegi

Andoni Egaña -

2019ko apirilak 21
Aberria. Esaldi pindartsu askoren oinarri eta arrazoi. «Aberria ala hil» da akaso ezagunena, baina badira tankera bertsuko gehiago ere. Simon Bolivarrek esan omen zuen: «Eraiki dezagun aberri bat kosta ahala kosta, eta gainerako guztia jasangarri irudituko zaigu». Gabriel Garcia Marquezen Cien años de soledad-en dator honako pasarte hau: «Pertsona bat ez da inongoa, lurpean hildakoren bat ez duen bitartean». Ursulak tinkotasun goxoz erantzun zion: «Zuek hemen gera zaitezten nik hil egin behar badut, hilko naiz». Beste batzuek, Jaume Perich umoregile kataluniarrak esaterako, erlatibotasuna dute bidelagun ezinbesteko. Berak botea da: «Geografia da zientzia bat zeinak erakusten digun zenbat kilometro aberri maitatu behar dugun. Ez bat gehiago eta ez bat gutxiago».

Aberria. Askok norberea sakratutzat eta besterena huskeriatzat hartzen duen zerbait. Aberria. Izan nahi izatea barregarri, baina batik bat, izan nahi duenari zeurearen izenean galaraztea negargarri den zera hori. Aberria…

Ez dakit lehen inoiz gertatu izan den. Aurten hauteskunde kanpaina bete-betean harrapatu gaitu Aberri Egunak. Pozik entzungo nuke hautagaien ahotan, migrazio bolada honetan, Aberri Egunak abegi-egun ere izatean hartzen duela benetako osotasuna.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna