Albistea entzun

BIRA

Lerro zuzena

Onintza Enbeita -

2019ko ekainak 14

Ezin omen da lerro zuzenik marraztu superfizie irregular batean. Galdetu bestela Ruper Ordorikari. Eta bizitza, lagunok, superfizie irregularra da. Oso irregularra. Hain irregularra ze iragana itzuli egiten baitzaigu etengabe: behin ohera eraman eta ustez betirako desagertu zen maitale hura, institutuan gure gelan egon zen neska hura, gure lehenengo bikotea... Atzo hor egon zen guztia itzul daiteke bihar. Ez baita erraza bizitza paraleloak egitea trabaz betetako azalera honetan. Eta antzera gertatzen da gauza politikoetan ere. Gainditu genuela uste dugun guztia itzuli egiten da. Ez dakit zergatik, baina bizitza deitzen diogun superfizie irregular honetan zail dago klariona beti aurrera eramatea: krisia egon delako, gizonak izutu direlako, hegemoniak dantzan daudelako, mundua mundu delako, gizakia ulertzeko amaren umerik ez dagoelako edo destinoa idatzita dagoelako, baina iragana itzuli egiten da. Feminismoak irabazitako lurrak erretzera itzuli da faxismoa, euskararen erabilera inposatuaren diskurtsoa eraiki da orain dela ehun urtera itzultzeko, urrundik ekarritako produktu ekologikoen moda sortu da bertokoa gutxiesten jarraitzeko... Edo superfiziea zapaltzen dugu leundu arte, edo onartu egiten dugu ezingo dugula inoiz, inola, ezeren aurrean guardia bajatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...