Albistea entzun

HITZ ETZANAK

Zentroa

Andoni Egaña -

2019ko abenduak 19

Ameriketako herri batean genbiltzan. Pare bat autotan zortzi lagun eta bertako bi gidari. Borondaterik onenez ibili gintuzten batetik bestera, hau ikusi eta hura azaldu. Baina iritsi zitzaigun atseden hartu eta berriketaldi lasai bat egiteko gogoa. Ea kaferik hartzerik bageneukan. Baietz. Eraman gintuzten kafetegi batera. Eskatu zituzten kafeak, eta gu mahaian esertzera gindoazen unean, ezetz, autoetan hartuko genuela kafea, eta berriz ere martxan jarri ginen.

Behar genuen geure erako atsedenaldi bat. Herriari ez genion trazarik hartzen, ez plaza, ez eliza, ez taberna. Kaxkorik ezak gure orientazio gaitasuna ere birrindua zeukan. Halako batean eskatu genien gidariei ea herrigunera eramango gintuzten. Bekainak harrotu zituzten. «Zentrora», zehaztu genien eskaera. Baietz erantzun ziguten adeitsu. Eta herriko... zentro komertzial erraldoira eraman gintuzten.

Momentuz, Hondarribiko Udalak eten egin du Zaldunbordako outlet makrosaltoki proiektua. Borda handitxoa nonbait, Eusko Legebiltzarrak saltoki handietarako onartu zuen legearentzat. Ez da, ordea, lege kontu soila; xede kontua da. Zer nahi dugu, kafea autoan eta ibilian hartzen den herri bat, gunea komertziala soilik duena? Horretaraxe goazela dirudi...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...