Noiz sortua: 2020-03-11 00:30:00

HITZ ETZANAK

Parez pare

Andoni Egaña -

2020ko martxoak 11

Atzoko egunkarian, lehen orriaren ezkerretara Lizarrako berri. EH Bilduk, PSNk eta Geroa Baik bat egin dute alkatea aldatzeko. Zentsura mozio bat aurkeztu dute Navarra Sumako alkatearen aurka. PSNko hiru zinegotzietatik bik babestu dute. Sozialisten buruzagitza ez dator bat erabakiarekin... Ez da edozein alkatetza Lizarrakoa. Badu urrutixeagokoontzat ere indar sinboliko bat. EAJko Fortunato Agirre zen Lizarrako alkate Gerra Zibila piztu zenean. Frankistek fusilatu egin zuten, atxilotu eta bi hilabetera.

Orriaren eskuinetara bestelako berri bat. COVID-19ak eskolak itxi ditu Gasteizen. Eta Odon Apraiz ikastetxearen argazki bat, haur eta guraso atarian direla. Odon Apraiz, politikan eta kulturan murgilduriko pertsona. Salamancan karrerako lehen urtean nota bikainak atera zituela-eta gurasoek opari bat eskaini ziotenean, baserri batera joan eta euskara ikastea hautatu zuena. Internazionala kantuaren lehen euskal itzulpenaren egilea. Eusko Abertzale Ekintzakoa, edo oso ingurukoa. Gerra ondoren, errepresaliatua.

Ez dakit elkar ezagutu zuten Fortunatok eta Odonek. Adinez hiru urteren tartea baino ez zuten. Koronabirusak etxean bakartzen banau, bien arteko balizko elkarrizketa bat asmatzen eman ditzaket orduak...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna