Albistea entzun

HITZ ETZANAK

Hegaldia

Andoni Egaña -

2021eko abenduak 3

Hizkuntzatik hasten gara mundua egokitzen. Eta ez beti hobera. Esanindarra komenigarri da komunikazioan, baina parekoaren arreta erakartze aldera hasten gara hizkuntza bihurritzen, eta gero hizkuntza bihurritu hori geuk sinesten dugu. «Hiltzeko moduko beroa egiten du» dioenak, gezurra dio, baina bueltan-bueltan berak sinetsiko du, eta aire egokiturik gabe ezin izango du bizi.

«Hiltzeko moduko hotza egiten du». Gehienetan, gezurra. «Ni, herrian, ito egiten naiz». Gezurra. «Zortzi ordu lo egin ezean, ez naiz pertsona». Gezurra. «Arnastea bezain garrantzitsua da niretzat bidaiatzea». Tira... Hizkuntzadun animaliak garelako gara animalia gutiziatsuak, ala animalia gutiziatsuak gara eta adierazi egiten dugu? Ez dakit...

Hondarribia eta Kanariar irlak zuzenean lotzen dituen hegaldiak jarri dira abian aste honetan bertan. Lehen hegazkina abiatzean, aireportuko zuzendariarekin batera han ziren agur egitera joandako agintariak, tartean Espainiako Gobernuak Euskadin duen ordezkari gorena, Denis Itxaso. Jontxo! Ez al dira agintariak bestelako mezuak ematen ari pandemia dela eta? Joan eta etorri eraman eta ekarriren sinonimo dira birusari dagokionez. Baina, «ni, eguzkirik ezean hil egiten naiz» dioen errukarriari aukera eman behar zaio noski...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.