Noiz sortua: 2020-05-22 00:30:00

HITZ ETZANAK

Ikasgaiak

Andoni Egaña -

2020ko maiatzak 22

Birusaren ingurukoez gain, beste berririk ez dela sortzen dirudi. Halaxe da akaso. Baina egoera berezi honetan ohikoak ez diren ahotsei leku ematen asmatu duenik izan da, eta jakin-min handiz irakurtzen ditut, esaterako, berripaper honek Termometroa sailean biltzen dituen pertsonen esanak.

Ez zitzaidan inoiz burutik pasatu ere egin baserritarrek, ardien ile-moztailetza egin ondoren, etxean dituzten artile zakukadak eramateagatik ordaindu egin behar izaten dutenik. Norbaitek hortik aberasten ari direla igual pentsatuko du! Birusa tarteko eta Josebe Blancori esker ikasi dut. Publikoa goretsi arren, ez zitzaidan inoiz bururatu oinezko naizela botoidun semaforo bat erabiltzean komeni dela datorren ibilgailua pribatua edo zerbitzu publikoaren baitakoa den begiratzea. Birusak bide emanda irakatsi dit hori Urko Rodriguez autobus gidariak. Ez nuen sumatzen Erdialdeko Amerikatik gurera etorritako askori, bere ama hizkuntzan aritzeko ohitura dela eta, gaztelania behar bezala menperatzea kosta egiten zaienik. Euskalduna izanik jakin behar nuen, baina birusaldiak eta X.X. etxeko zaintzaileak etorri behar izan dute nire irakasle.

Kontu potoloren bat eta txiki asko ikasteko aukera izan dugu. Ea ikasgaiak baliatzen ditugun...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Goierriko lau udaletako ordezkariak Osasun Sailarekin eta Segurtasun Sailarekin bilduta, atzo arratsaldean, Zumarragan. ©JUAN CARLOS RUIZ / FOKU

Konfinamendurik ez Ordizian, 35 kutsatu dauden arren

Jon Ordoñez Garmendia - Aloña Beraza Peña - Irati Urdalleta Lete

Osasun sailburuak baztertu egin du konfinamendua ezartzea eta joan-etorriak mugatzea. Ordiziako alkateak «transmisio komunitario bat» dela ziurtatu du, eta etxean geratzeko eskatu du.

Urkullu mitin batean, Zornotzan, ekainaren 27an. ©Jaizki Fontaneda / Foku

Urkulluk ez du Ordizian bozketak atzeratzeko asmorik

Igor Susaeta

Eusko Jaurlaritzako jarduneko lehendakariaren ustez, bozkatu ahal izateko baldintzak «guztiz» bermatuta daude.

Hainbat ikusle eta apostu artekari maskararekin, Masterseko partida batean, Iruñean. ©Idoia Zabaleta / FOKU

OMEk dio ezin dela baztertu koronabirusa airetik kutsatzea

Edu Lartzanguren

Baieztatuz gero, Osasunaren Mundu Erakundeak aldatu egingo lituzke leku itxietan ez kutsatzeko jarraibideak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna