HITZ ETZANAK

Lehertzera

Andoni Egaña -

2019ko urriak 15
Laister lehertu behar du. Astelehen goizeko lehen orduak dira eta badaramatzagu hiru egun beruna baino pisutsuagoak. Iragarria dago gainera. Gaur iluntzerako hor nonbait, euria hasiko du eta akaso denboraleren batek erasoko gaitu. Ongietorria izango da. Hego haize egunotan ez dela deus gertatzen ematen du sarri. Geldoago bihurtzen da dena. Ehiztarien tiro hotsen batzuk eta Madrilgo eta Gernikako erakustaldietako zintzilikario biek baino ez gaituzte atera lozorro girotik. Bakoitzak jakingo du zer tenpletan esnatu den...

Katalunian igualtsu. Laister lehertu behar du. Gaur iluntzerako hor nonbait. Iragarria dago hau ere, epaitegiek eguraldiak berak baino sekretu gutxiago baitute gaur egun. Ongietorria izango da aldaketa hau ere. Bi urte luzez iraun du hego haizeak zenbaitentzat, eta ia sinetsarazi digute ez dela ezer gertatzen, berez pasatuko den oldarraldi txoroa izan zela duela bi urteko hura, «normala» dela politikari eta gizarte eragileak kartzelan sartuta edukitzea.

Gaur iluntzean, eguraldia lehertzen denean, kaleak bustitzeko adina euri egingo du hemen doi-doi. Katalunian giroa lehertuko da ordea. Denboralea izango da han seguru-seguru eta herritarrek bihurtuko dituzte kaleak errio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna