Albistea entzun

Eusko Legebiltzarra. 2015eko aurrekontuak

Aurrekontu eta zerga politika «iraultzeko» eskatu dute sindikatuek

ESK eta EILASek salatu dute murrizketek bere horretan jarraitzen dutela eta Eusko Jaurlaritzak ez duela aldaketa sozialerako pausorik ematen
«Aurrekontu duinak» eskatu dituzte ESK eta EILAS sindikatuko kideek legebiltzarraren aurrean.
«Aurrekontu duinak» eskatu dituzte ESK eta EILAS sindikatuko kideek legebiltzarraren aurrean. JUANAN RUIZ / ARGAZKI PRESS

Asier Garcia Uribarri -

2014ko abenduak 24 - Gasteiz

«EAJk eta PSEk onartuko dituzten aurrekontuak bidegabeak eta elkartasunik gabekoak dira», adierazi zuen Igor Mera ESK sindikatuko kideak, atzo goizean, Eusko Legebiltzarraren aurrean egindako elkarretaratzean. Era berean, Eusko Jaurlaritzaren politika fiskala kritikatu zuen: «Europarekin alderatuz gero, EAEn 6.000 milioi euroko defizit fiskala dago». Endika Rodriguez EILASeko kideak salatu zuen Urkulluren gobernuak zintzo betetzen duela Madril eta Bruselaren politika ekonomikoa.

Rodriguezek esan du gizarte gastuan ez dagoela aldaketarik nahiz eta aurtengo aurrekontuak %4,1 igo diren. «Iaz baino diru gehiago dago, baina hori, herritarren beharrei erantzuteko erabili beharrean, zor publikoa ordaintzeko erabili dute». Merak politika fiskala erabat aldatu beharra nabarmendu du: «Gure zerga sistema Europako mailan balego, Eusko Jaurlaritzak ez luke horrelako zorpetzerik izango».

Rodriguezek esan du zor publikoa ordaintzeko Jaurlaritzak 990 milioi euro bideratuko dituela heldu den urtean, eta 2009an 84 milioi izan zirela. Horrez gain, jakinarazi du abiadura handiko trena egiteko 350 milioi euro jarriko dituztela. Balantzaren beste aldean kokatu dituzte, besteak beste, lana eta bizimodu pertsonala bateratzeko politikak, hezkuntza eta gizarte zerbitzuak. «Hezkuntza publikoan, barne produktu gordina kontuan izanda, Eusko Jaurlaritzak diru gutxiago jarriko du Espainiako Gobernuak baino». Horrekin batera, sindikatuek ohartarazi dute «egoera penagarrian» mantenduko dituztela Patxi Lopezek gizarte zerbitzuetan egindako murrizketak eta kontziliaziorako laguntzak.

Horregatik, Merak eta Rodriguezek uste dute Jaurlaritzak beste lehentasun batzuk izan beharko lituzkeela. «Ez dugu gaizki ikusten gizarte zerbitzuak garatzeko edo ekonomia bultzatzeko instituzioak zorpetzea, baina arazoa da zor publikoa abiadura handiko trenaren moduko lanengatik sortzen denean».

CCOO sindikatuak ere protesta egin du legebiltzarraren aurrean. Bertan, Unai Sordo sindikatuko idazkari nagusiak aurrekontuen «xede eskasa» salatu du. Haren aburuz, aurrekontuak «hankamotz» daude egungo zerga politikaren ondorioz. «Laguntza eta zerga salbuespenei esker, jaso zitekeen baino %30 gutxiago lortu du Jaurlaritzak». Sordok uste du 500 milioi euro gehiago bilduko lituzketela jasotzen ez den diruaren %10 eskuratuz gero. «Diru hori zerbitzu publiko eta gizarte zerbitzuak garatzeko erabili ahal izango litzateke».

Zakua bete ikatz

Bide beretik jo dute Bizkaiko hainbat gizarte taldek. Olentzerok eta hiru galtzagorrik ikatza utzi dute Eusko Jaurlaritzak Bilbon duen ordezkaritzan. Olentzerorekin eta laguntzaileekin batera, hainbat herritar elkartu dira «ikatza Lanbideko murrizketa eta tratu txarrengatik» eta «ikatza Gizarte laguntzetako murrizketengatik» gisako mezuak zituzten kartelekin.

Gizarte eragileek adierazi dute ekainean bukatu zirela gizarte larrialdietarako laguntzak. Horrez gain, gogor kritikatu dute laguntzak jasotzen dituztenen aurkako «jazarpen mediatikoa», eta hori murrizketak justifikatzeko erabiltzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ezkerretik eskuinera, Rodriguez eta Ruiz ©Ahal Dugu.

Garbiñe Ruiz eta David Rodriguez, Ahal Dugu-ko Gasteizko eta Arabako zerrendaburu izateko primarioetan

Iñaut Matauko Rada

Elkarrekin Podemos-IUko Gasteizko Udaleko eta Arabako Batzar Nagusietako gaur egungo bozeramaileak 'Bat Egin Podemos' proiektuaren barruan aurkeztu dira Ahal Dugu alderdiko primarioetara.

AEM Amnistiaren Aldeko eta Errepresioaren Aurkako Mugimenduaren webgunea, itxita. ©BERRIA

AEMk salatu du Guardia Zibilak webgunea itxi diela eta lagun bat atxilotu duela 

Berria

Amnistiaren Aldeko eta Errepresioaren Aurkako Mugimenduaren arabera, atxilotuari material informatikoa atxiki dio Poliziak. Aske utzi dute atxilotu duten egun berean.

Mikel Albisu, artxiboko irudi batean. ©maialen andres / Foku

Auzitegi Nazionalak Espainiatik ateratzeko debekua ezarri dio Mikel Albisuri

Berria

Albisuk eta Sagarzazuk gaur deklaratu dute epailearen aurrean. ETAk 2002an egindako atentatu batengatik sei euskal herritar ikertzen ari dira.

Usansoloko herritarrek egindako mosaikoa. ©OSKAR MATXIN / FOKU

Bizkaiko 113. udalerria izateko azken urratsak ari dira egiten Usansolon

Iñaut Matauko Rada

Prozesuari buruzko erakusketa eta herri mosaikoa egin dute. Ondo bidean, urrian onartuko dute Bizkaiko Batzar Nagusiek desanexioa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...