Indarkeria matxista

Feministak indarrak batuta irtengo dira kalera larunbatean

Kerman Garralda Zubimendi -

2017ko azaroak 23

«Auzitegiek, poliziek, hedabideek, baita inguruko hurbilenek ere, erasotzaileak babesten dituzte biktimaren egia zalantzan jarriz. Baina guk elkarri sinesten diogu. Gure hitzak balioa du», adierazi du Zuriñe Rodriguez Euskal Herriko Koordinakunde Feministako kideak. Horregatik, Zure egia gure eginez lelopean manifestazioak antolatu dituzte larunbaterako Euskal Herriko hiriburuetan: Baionan, 11:00etan, udaletxe aurrean; Gasteizen, 18:30ean, Andre Maria Zuriaren plazan; ordu berean, Bilbon, Jesusen Bihotzean; Donostian, 19:00etan, Bulebarrean; eta Iruñean, 20:00etan, Gazteluko plazan.

Euskal Herriko Koordinakunde Feministak salatu du eraso egin dieten emakumeen testigantzak ezbaian jarri ohi direla. «Gure hitza zalantzan jartzen duten txostenak onartzen dituzten epaileen gainetik, justizia egiten ez duten auzitegi matxisten gainetik, gure bizipenak ukatzen dituen jendartearen kontakizunaren gainetik, indarkeria matxistak duen egiturazko izaera desitxuratzen duten eta morboa erabiltzen duten hedabideen gainetik, eta biktima bihurtzen gaituzten iragarki instituzionalen gainetik, gure leloa argia da: zure egia geure eginez».

Lelo horrekin, eraso sexistak sufritu dituzten emakumeei erakutsi nahi diete ez daudela bakarrik, eta haien kontakizuna sinesten dutela adierazi.

Justiziarekin ezkor

Iruñeko epaitegiaren aurrean 200 feminista inguru batu ziren atzo, iazko sanferminetan bortxaketagatik salaketa jarri zuen emakumeari babesa adierazteko. Ezetza ezetz da! Justizia! lelopean, «guk sinesten dizugu» eta «taldean gatoz» oihuak egin zituzten.

Feministak haserre agertu dira, haien esanetan aste honetako epaiketan salaketa jarri zuen emakumea bera delako «epaitua». «Ezetz esaten diogu erasotutako emakumearen bizitza aztertzen duen txosten bat froga moduan onartzen duen justizia sistemari. Ezetz esaten diogu biktima epaitua izateari», salatu dute Andrea, Astelehen Lilak eta Betaurreko Moreak elkarteek. «Egin diezaiogun uko sistema judizial matxista bati, ez soilik biktimaren testigantzak ezbaian jartzen dituelako, horren traumatikoa den eraso baten osteko bizitza ere dudan jartzen duelako baizik». Kexatu dira bost lagun epaitu beharrean 21 epaitu beharko liratekeela. «Hemen dauden bostak eta beste hamazazpi. Mezu eta bideoekin barre egin eta isilik geratu ziren horiek». Gizartea «bortxaketaren kulturan» bizi dela salatu dute feministek.

Nagore Laffageren kasua ere ekarri dute gogora. Epaiketa horrek emakumeen eskubideak «gutxietsi» zituela azpimarratu dute, «akusatuari sinesgarritasun osoa eman zitzaiolako». Emakumeen hitza errespetatu behar dela esanez amaitu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna