Albistea entzun

EH Bilduk babestu egingo ditu Espainiako Gobernuaren neurri sozialak

Gotzon Hermosilla -

2019ko apirilak 3

EH Bilduk iragarri du babestu egingo dituela Espainiako Gobernuak Kongresuko Diputazio Iraunkorrean gaur aurkeztuko dituen neurri sozialak. EH Bilduko koordinatzaile nagusi Arnaldo Otegik esan du neurri horiekin egindako urratsak «txikiak» direla, baina «norabide onean» doazela, eta horregatik babestuko dituztela.

Espainiako Gorteak desegin ostean, Diputazio Iraunkorraren bidez aurrera atera nahi ditu Espainiako Gobernuak zenbait neurri sozial. Baina indarrak oso parekatuta daude Diputazio Iraunkorrean. 65 diputatu dira. PPk, C's-ek eta UPNk badituzte kontrako 32 boto; PSOEk, Unidos Podemosek, ERCk, EAJk, PDeCATek eta Compromisek aldeko botoa emango balute —eta hala iragarri dute gehienek—, beste 32 lirateke, eta EH Bilduren bakarrak erabakiko luke. Horixe nabarmendu du Otegik: «Ezker independentista erabakigarria denean, eskuinari galga jartzen dio, eta jendearen bizimodua eta herrien autogobernua hobetu egiten ditu».

EAJk, berriz, esan du oraindik ez duela erabaki zer bozkatuko duen gaurko saioan, eta «negoziatzen» jarraitzen dutela.

Alokairuen inguruko arau berriak, gurasotasun baimenak parekatzea, 52 urtetik gorako langabeentzako diru laguntzak eta beste zenbait neurri eramango di- tuzte gaur Kongresuko Diputazio Iraunkorrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...