Albistea entzun

Ikurren Legea aldatzeari uko egin dio gobernuak, «adostasuna» falta delako

Udal maparen erreforma indargabetzeko eskea ere ezetsi du Txibiteren gobernuak. Parlamentuak etzi izendatuko du hari dagokion senataria

Jon O. Urain -

2019ko irailak 24

Navarra Sumak bi lege proposamen aurkeztu zituen abuztuan Nafarroako Parlamentuan: Ikurren Legearen erreforma eta bertan behera uztea Udal Maparen erreforma. Atzo, Nafarroako Gobernuak proposamen horien inguruan eginiko txostenak jaso zituen Parlamentuko Mahaiak, eta bide eman zion horien tramitazioari. Hala ere, bi legegaiek ez dute osoko bilkuraren langa gaindituko, Nafarroako Gobernuak bien kontrako iritzia eman baitu.

Horren berri izan ostean, Navarra Sumako bozeramaile Javier Esparzak salatu du bi proposamenak baztertzea PSNk «nazionalismoari eginiko kontzesio izugarria» dela: «Iragan legealdian, PSNk zioen Ikurren Lege berri bat behar zela ikur horiek duintzeko». Ramon Alzorriz PSNko bozeramaileak, ordea, esan du ezezko horiek bat datozela PSNk, Geroa Baik, Ahal Dugu-k eta Ezkerrak adostutako programarekin, eta erantsi du «adostasun handiagoa» behar dela ikurren gaian «egonkortasuna» lortzeko.

Mahaikideek beste txosten bat ere izan dute mahai gainean; legebiltzarreko zerbitzu juridikoek adierazi dute Parlamentuko Mahaia ezin dela handitu legealdi honetan. PSNk mahaitik kanpo nahi zuen EH Bildu, baina adostu zuten EH Bildurentzat izatea bigarren idazkaritza mahaiaren osaketa zabaltzearen truke, bost ordezkaritik zazpira igarota. PSNkoa eta Ahal Dugu-koa izan behar zuten bi kide berriek. Zerbitzu juridikoek adierazi dute legebiltzarraren erregelamendua moldatu behar dela horretarako, eta araudi berria hurrengo legealdian sartuko litzatekeela indarrean.

Akordiorik ez senaturako

Bestalde, etzi egingo dute Nafarroako Parlamentuari dagokion senataria aukeratzeko eztabaida. Navarra Sumako Arantxa Arias, Geroa Baiko Koldo Martinez eta Ezkerrako Iñaki Bernal dira hautagaiak, eta oraingoz ezein hautagaik ez du behar adina babes. Ariasek bere taldekideen hogei botoak izango ditu, eta beste hainbeste lor ditzake Martinezek, PSNk eta Geroa Baik haren alde egingo baitute. EH Bildu, Ahal Dugu eta Ezkerra Bernali botoa ematekoak dira, baina, berdinketa gertatuz gero, Navarra Sumakoa litzateke senataria.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri abokatu, politikari, dantzari eta euskaltzale abertzalea, Miarritzen. ©DANIEL VELEZ

Abertzaleen ibilbidean erreferente

Jone Arruabarrena Ekhi Erremundegi Beloki Iñaki Etxeleku

Jakes Abeberri hil da, 92 urte zituela. Enbata mugimenduaren sortzaileetako bat izan zen, eta izen bereko aldizkariaren zuzendari. Astelehenean omenduko dute, Miarritzeko elizan

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.