Giza katea urriaren 5ean, presoen alde

Sare herritar plataformak adierazi du euskal presoen eskubideen alde mobilizatzen jarraitu behar dela, «urteetako sufrimendua atzean utziz, konponbidean urratsak biderkatzeko», eta, hala, datorren urriaren 5ean giza kate bat egingo du Iruñean, 12:00etan, Zubiak presoak etxeratzeko ekinbidearen barruan: Oblatas eta Santa Engraziko zubiak lotu nahi ditu. Nafarroako Sarek antolatu du giza katea. «Presorik gabeko herri baketsu eta justuago batean amesten dugun herritarrek izan behar dugu bide horretan parte aktibo. Presoen korapiloa askatu egin behar dugu». Argazkian, atzo, Iruñean, egindako aurkezpenean.