Noiz sortua: 2020-03-26 00:30:00

Koronabirusa

Egoiliarrekin komunikatzeko bideak eskatu dituzte senideek

Amaia Ramirez de Okariz Kortabarria -

2020ko martxoak 26

Zahar etxeetako egoiliarren familia batzuk ere ez daude lasai egoitza batzuk egiten ari diren kudeaketarekin. Xabier Pierrugues Gipuzkoako Senideak elkarteko kidea da, eta adierazi du kezkatuta daudela beren senideen bakartze egoeragatik: «Senideen bakardade eta frustrazio sentsazioak kezkatzen gaitu, eta egoitzetako arduradunek eta goi kargudunek ez dute ahaleginik egiten komunikazio bideak gaitzeko». Orain aste batzuk mugatu zuten bisitak egiteko kopurua: pertsona bat egun bakoitzeko. Baina orain ja ezin da bisitarik egin.

Egoera horri aurrea hartzea erabaki zuten senideek, eta bilera bat egin zuten Gipuzkoako Foru Aldundiarekin. Pierruguesek jakinarazi duenez, zahar etxeetan dauden senideekin harremanetan jartzeko bide bat eskatu zieten teknikariei, eta diputazioak egoitzei agindua eman zien bideo konferentzia bidezko komunikazioa bermatzeko. «Foru aldundia hasia da horretarako bitartekoak jartzen; egoitza gehienetan jada badaude aukerak komunikatzeko, baina ez guztietan». Esate baterako, tabletak jarri dituzte, egoiliarrek senideekin bideo deiak egin ahal izan ditzaten.

Komunikazio bide baten beharraz gain, babesa ere eskatu dute senideek. Pierruguesen arabera, zahar etxeetako langileek ez dute aski bitarteko babes neurriekin lan egiteko, eta horrek arriskuan jar dezake haien eta egoiliarren bizitza. «Langileentzako ahalik eta babes handiena exijitzen dugu», esan du Gipuzkoako Senideak-eko kideak; diputazioarekin izandako azken bileran jakin zuten materiala banatzen dabiltzala.

Etxera eramateko aukera

Gipuzkoako Foru Aldundiaren diputatuen kontseiluak COVID-19ak sortutako osasun krisiari aurre egiteko plan bat onartu zuen, herenegun, eta 56 neurri jasotzen ditu. Eider Mendoza diputazioko bozeramailearen arabera, egoera honi «modu estrategikoan eta koordinatuan» erantzuteko aukera emango du planak. Neurri horien barruan jasotzen da adinekoak egoitzetatik atera eta senideen etxeetara eramateko aukera. «Tokialdaketa eskatzen dutenen kasuan, haien egoerak posible egiten badu, etxeak egokitzeko beharrezkoa den laguntza teknikoa eskainiko zaio», azaldu zuen Mendozak.

Gipuzkoako senideek, ordea, ez dute horren begi onez ikusten neurri hori. Pierruguesen ustez, eskainitako aukera hori pixka bat «klasista» da. «Senide bat etxera eraman dezakeenak aukera eduki behar du horretarako: gaitasuna, eta bitartekoak».

Senideek uste dute, oro har, zahar etxeen sektorea bazterrera uzten dabiltzala: «Azken batean, nork pairatzen ditu ondorioak? Adinduen gorpuekin merkantilizatzen al da?». Pierruguesen iritziz, enpresek errentagarritasun ekonomikoa ateratzea dute helburu, ez besterik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna