Espainiako Espetxe Erakundeetako Idazkaritza Nagusiak jakinarazi du lau euskal preso Euskal Herritik gertuago dauden estatuko espetxeetara lekualdatuko dituela, COVID-19aren izurriak sortutako osasun baldintzek ahalbidetzen dutenean: Julen Atxurra, Asier Mardones, Balbino Saenz eta Asier Rodriguez (EPPK).
Atxurra Puerto I-etik (Andaluzia) Aranjuezera (Madril) eramango dute. 61 urte ditu, eta buruko isuri bat izan zuen maiatzaren 13an. Rodriguez Alborotetik (Granada) Soriara lekualdatuko dute; Mardones, Alacantetik (Herrialde Katalanak) Logroñora; eta Saenz Valentzia III-tik (Herrialde Katalanak) Valladolidera eramango dute.
Etxerat-ek esan du mugimenduok ez direla nahikoak; «are gutxiago Atxurraren kasuan; Euskal Herrian egon behar du».
Bestalde, Frantziako Dei Auzitegiak irailaren 16an jakinaraziko du Iratxe Sorzabal presoaren kontrako laugarren euroagindu eskaeraren ebazpena.
Beste lau preso, Euskal Herritik gertuago
Iruzkinak
Ez dago iruzkinik
Ordenatu
