Albistea entzun

Presoak hurreratzearen alde egin du Nafarroako Parlamentuko gehiengoak

Geroa Baik, EH Bilduk, Ahal Duguk eta Ezkerrak aurkeztu dute mozioa, eta PSNk bat egin du. Espainiako Gobernuari bi eskaera egin dizkiote

Joxerra Senar -

2021eko urtarrilak 22

Gehiengo handiz, Nafarroako Gobernuak Espainiako Gobernua premiatu du «hala nahi duten presoei zigorrak gizarte eta familia loturak dituzten lekuetatik hurbil betetzeko modua emango dien espetxe politika bat aplika dezan». Geroa Baik, EH Bilduk, Ahal Duguk eta Ezkerrak mozio bat aurkeztu zuten elkarrekin, eta PSNk bat egin du. Inma Jurio sozialistak esan du «ETA existitzen zenean» auzitegiek urruntzea babestu zutela: «Gaur, ETA ez da existitzen, eta ordutik hasi ginen babesten espetxe politika aldatzen hasi behar dela, espetxe legediaren arabera. Hori babesten dugu: legea betetzea».

Mozioko testuaren arabera, espetxeei buruzko lege organikoak ezartzen du kondenatuen deserrotzea eragotzi behar dela, eta gizarteratzea bultzatu. Era berean, mozioak dio «arrazoizkoa» dela pandemiaren testuinguruan arrisku oro saihestea, eta horien artean dauden presoen senide eta senitartekoei kutsatzeko arriskua murriztu behar zaiela egiten dituzten joan-etorri luzeetan. Halaber, uneotan, Iruñeko espetxeak 300 preso inguru ditu, nahiz eta gehienez mila preso hartzeko ahalmena izan. «Gure ustez, beraz, teknikoki Iruñeko kartzelan egon litezke jatorria, ohiko bizilekua edo familia ingurunea Nafarroan duten berrehun preso inguru».

Batetik, Espainiako Gobernuari eskatzen diote presoen hurreratzeari bide eman diezaiola, lege organikoak ezarritako gizarteratze printzipioa eta egungo COVID-19aren testuingurua kontuan hartuta. Bestetik, plan bat prestatzeko ere eskatu diote, jatorria, bizitokia edo ingurunea Nafarroan duten preso guztiak Iruñeko espetxean hartu ahal izateko aukera guztiak aztertuta.

Alderdien argudioak

Gero Bairen esanetan, aintzat hartu behar da presoen senideek egiten duten «esfortzua», espetxeetara joateko ehunka kilometro egiten dituztelako, «euren osasuna arriskuan jarriz». Gainera, haren arabera, Parlamentuan onartutako antzeko ebazpenetan «ETAren presoak hartu dira aintzat», baina hori «modu positiboan» gainditu nahi da, Nafarroarekin erlazioa duen preso orori erreferentzia eginez. EH Bilduren ustez, mozioak planteatutakoa «sinplea bezain garrantzitsua» da, indarrean dagoen espetxe legedia betetzea baita: «Preso dagoen edonoren eskubidea betetzea, zigorrak bizitokitik gertu betetzea». Ahal Dugu-ren hitzetan, berriz, «mozio honetan eskatzen da salbuespenezko egoerak amaitzea eta presoen gizarteratzeko plan bat zehazteko beharra adieraztea». Ezkerrak uste du urruntzea «zigor gehigarria» dela familientzat. Navarra Suma bakarrik gelditu da, kontra eginda. ELA, LAB, UGT eta CCOO sindikatuek ere bat egin dute mozioarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ezkerretik, Xabier Madariaga, Roberto Moreno eta Pilar Kaltzada, atzo, Bilbon. ©MONIKA DEL VALLE / FOKU

Umeen eskubideak lehentasun

Gotzon Hermosilla

Adituek uste dute gurasoren bat edo biak espetxean dituzten umeen arazoari heltzeko beharrezkoa dela ikuspuntua aldatzea, umeen beharrak beste edozein irizpideren gainetik jarriz.
Miren Gorrotxategi (Elkarrekin Podemos-IU) eta Luis Gordillo (PP+C's), atzo, Eusko Legebiltzarreko osoko bilkuran. ©JAIZKI FONTANEDA / FOKU

Espetxeen transferentziaren berri emateko eskatu du legebiltzarrak

Jon O. Urain

Eskumen transferentziaren akordioa lotzean informazioa parlamentura bidaltzea babestu dute EAJk, PSE-EEk, EP-IUk eta EH Bilduk. Erkoreka eta Grande-Marlaska gaur bilduko dira
Egiari Zor fundazioak torturen gainean antolatutako prentsaurrekoa, atzo, Iruñeko Katakraken. ©IÑIGO URIZ / FOKU

Manifestazio bat eginen dute Iruñean, tortura iker dadin galdegiteko

Uxue Rey Gorraiz

Martxoaren 6rako egin dute deia. Zabalzaren kasua ikertzeko eskatu diote Espainiako fiskalari
Martxoak 3 elkarteko kideek agerraldia egin zuten atzo, Gasteizen. ©MARTXOAK 3 ELKARTEA

M-3 elkartea: «Ez dugu justiziarik lortu, baina ez dugu ahaztu»

Maddi Ane Txoperena Iribarren

Martxoaren 3aren ingururako hamaika ekitaldi antolatu dituzte Gasteizen, 1976an hildako bortz langileak oroitu eta gertatua salatzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna