JIRA

Mundu ordena berria

Angel Erro -

2019ko otsailak 5
Gogoratzen zarete Donald Trumpek teorian mundu ordena berria ekarriko omen zuenean, protekzionismoaren izenean, kanpora begira egoteari utziko ziolako eta beste herrialdeetan esku hartuko ez zuelako? Ez da hain aspaldi. Eta egia da iritsi eta TTIP hitzarmen komertziala bertan behera utzi zuela, hainbat gerratetatik atera zituela (metafora batekin esatearren) arrano buruzuriaren atzaparrak. Halere, denborarekin, horrekin bakarrik betikora jo du presidente gorbata-gorriak. Aliantza berriak, bitxiak, bilatu ditu, bai, lehengoak lehertuta, baina, ibili eta buelta, venezuelar petrolioa enpresa adiskideek ustiatzeko kontratuak prest ditu, ordu erdian presidente aitortutako Juan Guaidoren sinaduraren zain, AEBetako edozein presidentek eginen lukeen modu berean, nazioarteko babes ia berberekin.

Mundu ordena berria zaharren peto-petoa da, baina lasterragotua, hots, galbidera azkarrago garamatzalako iduripen handiagoarekin, bizi garen mundu presatu honen paradigmari bikain erantzunez. Nire inguruan nabaritzen dudan alde nagusia da, batzuek honek guztiak nolabaiteko errebultsibotzat balio duela uste duten bitartean, beste batzuok inolako presarik ez dugula ordena berriago honen zahar itxura egiaztatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna