JIRA

Presidentea banintz

2023ko maiatzak 27

Aste honetan, tokiko telebista nafar batean, Presidentea banintz erdarazko izeneko saio bat eman dute, Nafarroako Parlamenturako zerrendaburuei zein herritarrei eginiko elkarrizketaz osatua. Ez dut osorik ikusi, tarteka eta arreta galduaz baizik. Planteamendua, dena den, interesgarria iruditu zait, nik neuk presidentea banintz zer eginen nukeen pentsarazteraino.

Kanpaina honetan eztabaidagai izan diren auzien inguruan zer neurri hartuko nukeen aletu ordez, hona proiektu bakarra ekarri nahiago dut, biharko emaitzak jakin ondoren aste edo hilabete gutxi batzuetara benetan presidente aterako denak hartu nahiko balit: Nafarroatik atera gabeko Erasmus beka moduko batzuk, gazteek, batez ere gazteek (baina zabal liteke jende nagusiagoaren artera) lurraldearen barruan urtebeteko egonaldia egin dezaten, jaio diren eremutik kanpo. Erriberakoek ikas dezaten badagoela bertakoa sentitzeko beste modu bat, euskaraz mintzo daitekeena, eta mendikoek eta hiri buruzagikoek ere gure senti dezagun (askotan kostatzen zaigu) Nafarroa lehorra.

Nire erkidegorako pentsatu dudan neurri hau Euskal Herri osora esportagarria da, noski. Horretarako, presidente bulego bakarrik ez dagoen arren.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Gaiak

Albiste gehiago

M-28ko hauteskundeak: pentsatu beharreko zerbait

Sabino Cuadra Lasarte - Abokatua

Bilera ofizialak, pasabideko bilerak, komunikabideetako azalaren bilatze larria, alkatetza eta presidentetza aunitzi buruzko ezbaia... zurrunbilo horretan murgildurik gara, eta, horrenbertze ahotsen artean, zenbait gai garrantzizko ari dira urtzen. Ez dut erraten bertze batzuk baino garrantzitsuagoak direnik. Bai, ordea, hausnarketarako xede izan beharko liratekeela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut