Albistea entzun

JIRA

Trafiko nahasia

Angel Erro -

2022ko azaroak 29

Igande goizean, Iruñeko udaletxearen aurrean, Vox alderdikoa zirudien eta gero Voxekoa zela egiaztatu dugun elkarretaratzea topatu dugu. Kontsignak nahasiak iruditu zaizkit. Berez, Espainiako banderak baino (haietako bat nahikoa handia) ez ditut ulertu. Trafikoaren eskumenaren eskualdatzearekin oso kontent ez daudela pentsatzekoa da. Aste honetan jarraituko dute eskuinean trafikoa gora eta trafikoa behera?

Munta handiagoko galdera: azkenean eskualdatzea gauzatuko da? Edo atzera eginen dute Guardia Zibila Nafarroatik igorri nahi dutelako akusazioak koldartuta edo horren aitzakiarekin?

Beste galdera bat, ez dakit filosofikoa ala amarrutsua: Nafarroak trafikoaren kudeaketa berreskuratuko balu, zer hitzarmeni men eginen lioke Espainiako Gobernuak eskumena itzultzeko orduan? UPNrekin, Geroa Bairekin, EAJrekin eta EH Bildurekin adostu baitu hurrenez hurren, oker ez banago, azken hogei urteetan. Hemengo arku parlamentario osoak trafikoa berreskuratzea eskatu izanak ez du saihesten Diaz Ayuso batek ETAren aldarrikapen historikotzat jotzea. Batek ez daki nondik hasi aurka egiten, gezurtatzen. Agian ez du merezi ere. Agian kontsignak nahasiak izatearena ez da ustekabea, planaren zati maltzurrena baizik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...