JIRA

Ustezko egunak

Angel Erro -

2019ko abenduak 3
Gaur Nafarroaren eguna dugu, baita, Carlos Perez-Nievasek esan bezala, «Euskararen ustezko eguna» ere. Bitxia egin zait ustezkoarena, Euskarabidea erakundea sortzetik edo euskararen legea zabaltzen saiatzeagatik Miguel Sanzen gobernuko sailburua izateari uztetik datorren politikari baten ahotan. Baina aitortu behar dut gustatu zaidala, nazioarteko egun guztietara zabalduko nuke: gaur, beraz, Nafarroaren eta Euskararen ustezko egunak dira. Baita ustezko elbarridunen ustezko nazioarteko eguna ere.

Euskaraz dakien eta %33ko elbarritasuna aitortua duen nafar erkidegoko herritar naizen heinean, neure burua ere jo nahiko nuke ustezkotzat, nahiz eta hiru gauzak egiazta ditzakeen agiriak eduki. Esker diezaiogun Nafarroako Ciudadanoseko buruari zalantzazko egoera estimulagarri hau. Zerbait gehiago esan du: «Nafarrek Nafarroaren eguna bere horretan ospatzeko eskubidea dute, ospakizun nazionalistetan [hots, euskararekin zer ikusia duen ezertan] nahastu edo urtu gabe». Laster (bigarrenez) alderdirik gabe geldituko den liderraren buruargitasunaren beste adibide bat. Nik ere nahiko nuke gauzak oro beren abstraktutasunik aratzenean bereizi ahalko banitu, neure ustezko izatea neure izatezko ustezkotasunean urtu gabe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna