Albistea entzun

MAITE DUT MAITE... MENDATAGAINA. Josune Arakistain. Musikaria

«Mendatagaina arnasa hartzeko leku bat da»

Lasaitasuna transmititzen dio Mendatagainak Josune Arakistaini. Gainera, Huntza taldearen 'Aldapan gora' abestiaren bideoklipa bertan grabatu zuten; kuadrillak gomendatu zion kokalekua.
ARITZ LOIOLA / FOKU Tamaina handiagoan ikusi

Mikel Elkoroberezibar Beloki -

2020ko uztailak 30

Josune Arakistain Huntza taldeko abeslari eta trikitilaria (Itziar, Deba, Gipuzkoa, 1996) Itziarko Lastur auzokoa da: «Debakoa, inoiz ez». Bere herrian du lasaitasuna eta oroitzapen ugari ematen dizkion leku kuttuna: Mendatagaina.

Zergatik da Mendatagaina zure leku gustukoena?

Bertara joan eta transmititzen didanagatik, eta oroitzapen onekin lotzen dudan leku bat delako. Txiki-txikitatik beti hor inguruan ibili izan naiz jolasean, eta oroitzapen onak ekartzen dizkit. Lasaitasuna ere ematen dit, eta oso leku polita da: hori denok dakigu.

Ohitura duzu hara joateko?

Bai, Itziarren bizi naiz, eta Mendatagainera sarri joaten gara lagunak eta familia, oinez.

Zer egiten duzue han?

Normalean paseo bat egiten dugu, eta Mendatagaina izaten da paseo horretako gelditu beharreko leku bat: bertan jartzen gara, arnasa hartzen dugu eta bistei begiratzen diegu. Gelditzeko eta lasai-lasai arnasa hartzeko leku bat da.

Naturarekin harreman zuzenean egoteak ematen al dizu ezer?

Bai. Ni baserrikoa naiz, eta txikitatik naturari lotuta egon naiz. Gero Biologia ikastera joan nintzen Bilbora, eta han bizi izan naiz lau urtez. Agian, han konturatu nintzen benetan zenbat behar nituen natura, lasaitasuna eta mendia. Naturak lasaitasuna ematen dit.

Gustatzen zaizu itsasoari begiratzea?

Bai, asko. Askotan pentsatzen dut: ez dakit bizi ahalko nintzatekeen itsasotik urruti. Beti pentsatzen dut gertu behar dudala itsasoa, bertara joan, begiratu eta lasai egoteko.

Aldapan gora abestiak dioen bezala, gizakien arteko lotura natura da?

Nik uste dut hein handi batean baietz. Gizakiok geure artean lotzeko, natura zubi handi bat da.

Natura maite duzu, baina musika ere bai. Naturak ere badauka bere musika?

Egia da asko gustatzen zaidala hemen bakarrik paseatzea, Itziar inguruan eta Mendatagain aldean, eta, askotan, isiltasun horretan eta natura entzunez etortzen zaizkit melodia batzuk, eta segituan grabatzen ditut telefonoarekin. Niri naturak ematen dizkit ideiak abestientzat: inspirazio iturri bat da.

Aldapan gora abestiaren bideoklipa Mendatagainean grabatu zenuten. Zergatik aukeratu zenuten kokaleku hori?

Egia esanda, ez genekien non grabatu bideoklipa, eta kuadri-llakoei kontatu nien, Itziarko tabernan zerbait hartzen ari ginela. Kuadrillako denak Itziarkoak dira, eta haiek gomenda-tuta aukeratu genuen Mendatagaina.

Huntza oso ezaguna da bai Euskal Herrian eta bai gure mugetatik kanpo. Duzuen arrakasta lortzeko bidea aldapan gora egin duzue, edo behera?

Nik uste dut bien arteko zerbait izan dela. Egia da, eta gu jabetzen gara, Aldapan gora abestiak oso aldapan behera utzi zigula arrakastarako bidea. Baina hain hasi berritan eta hain denbora gutxian horrelako arrakasta izateak gure ikaskuntza prozesua askoz azkarrago egitera behartu gintuen. Azkenean, guk kontzertuen eta musikaren munduan ez genekizkien gauza asko ikasi behar izan ditugu oso denbora gutxian, eta hori pixka bat aldapan gora egin zaigu. Kon-turatzen gara gure hasiera zortekoa izan zela, eta hasiera hori aldapan behera izan zela esango nuke.

Arrakasta zer da, zure ustez?

Niretzat, guk sortutako abesti bat jendea kantatzen entzutea da arrakasta. Gero, Euskal Herritik kanpo jendea euskaraz kantatzen ikustea, euskaraz jakin gabe, hori opari bat da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...