Noiz sortua: 2018-04-19 00:30:00

Zirimolak agertokira

Euskal arte eszeniko garaikideen Zurrunbilo jaialdia antolatu du Gasteizko Baratza aretoak, hirugarrenez. Gaur hasi eta igandera bitarte, askotariko emanaldiak izango dira ikusgai
Zurrunbilo jaialdiaren antolatzaileak, Gasteizko Baratza aretoan.
Zurrunbilo jaialdiaren antolatzaileak, Gasteizko Baratza aretoan. JUANAN RUIZ / FOKU Tamaina handiagoan ikusi

Aitor Biain -

2018ko apirilak 19
Arte eszenikoak Gasteizera hurbiltzeko asmoz sortu zuten Baratza aretoa 2013. urtean, eta dagoeneko «erreferente» bilakatu da hirian. Helburu horrekin ekin zioten, halaber, Euskal Arte Eszeniko Garaikideen Zurrunbilo jaialdia antolatzeari, duela hiru urte. «Euskarazko arte eszenikoek behar zuten leku bat hirian. Hutsune bat zegoen orain arte, eta hori bete asmo dugu jaialdiarekin», adierazi du Marina Suarez Baratza aretoko kideak. Azken bi urteetako edizioen arrakastaren ondotik, hirugarren urtez antolatu dute jaialdia, Oihaneder Euskararen Etxearekin elkarlanean. Gaur hasi eta igandera bitarte, askotariko ikuskizunak izango dira ikusgai Gasteizen.

Egitarau «oparoa» antolatu dute Zurrunbilo jaialdiaren hirugarren aldirako. «Denetarik egongo da: antzerkia, dantza, musika, poesia... Arte eszenikoen barruan diziplina asko sartzen dira, eta horiei guztiei leku egin nahi izan diegu oraingoan ere», azaldu du Suarezek. Hori baita jaialdiaren xedea, finean: eszenaren haize guztien elkargune izatea. Izen handiko emankizunak izango dira, baina baita ibilbidea hasi berri dutenak ere. Suarez: «Euskarazko arte eszenikoak kalitatezkoak dira; oso ugaria da sorkuntza, eta maila onekoa». Hala ere, hirian euskaraz programatzeko zailtasunak daudela aitortu du. «Aretoak ez betetzearen beldur edo kezka hori hor dago». Bada, Baratza aretotik «bultzada txiki bat» eman nahi diote eszenari. Aurreko bi aldietan, gainera, beste ekitaldi batzuekin bat etorri da denboran jaialdia, baina aurten ez da halakorik gertatuko, eta aretoak betetzea nahiko lukete.

Gaur abiatuko da jaialdia, 21:30ean, Oihaneder Euskararen Etxean. Antzerki inprobisatua eskainiko dute: Bufoi ipurterreak vs. Titiritero ahoberoak. «Inprobisaziorako ohitura handia dago hirian, baina ez da euskarazko aukera handirik», dio Suarezek. Hala, Jose Teran aktorearen gidaritzapean Oihanederren egiten ari diren ikastaroa baliatu nahi izan dute horren emaitza agertokira eramateko.

Bihar, berriz, Monstrenko kolektiboaren Maitasunezko bi istorio eta marko teoriko bat lana aurkeztuko dute. Maitasunaren jiran arituko dira Itziar Rekalde eta Eñaut Armentia Baratza aretoan. Horren ostean, zinema eta dantza uztartzen dituen Oskara plazara emankizun arrakastatsua taularatuko dute Kukai dantza taldeko kideek.

Larunbatari dagokionez, aldiz, TOMIRIS, mendeku zilegi baten istorioa ikuskizunaren estreinaldia egingo du ATX konpainiak. Indarkeria matxista du ardatz obrak, eta errealitatea eta fikzioa uztartzen ditu. Emanaldiaren ostean, solasaldi bat antolatu dute konpainiarekin. «Pieza berria denez, sortze prozesua ikusleari gerturatu nahi diogu», nabarmendu du Suarezek. «Estreinaldia ez da beti erraza izaten, baina ikusleen erreakzioaren berri izatea beti da aberasgarria».

Hozkailua antzezlana eskainiko du Huts Teatroak igandean. Unai Iturriagak idatzi, eta Ander Lipusek eta Patricia Urrutiak gorpuztutako obrak umore beltza du oinarri. Emankizunaren ostean, Ibon RG bakarlariaren kontzertuarekin emango zaio Zurrunbilo jaialdiaren aurtengo edizioari amaiera.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Nafarroako Unibertsitate Publikoko liburutegia, iaz. ©Iñigo Uriz / Foku

NUPek ez du eskola presentzialik egingo ikasturte honetan

Berria

Baxoa kontrol jarraikiaren bidez egingo dela esan du Jean Michel Blanquer Frantziako Hezkuntza ministroak. Hala ere, frantseseko ahozko azterketa mantentzea erabaki dute —lizeoko bigarren urteko ikasleek pasatu beharko dute—. Jaurlaritzak ez du baztertzen unibertsitatetan aurrez aurreko klaseei ekitea berriro, nahiz eta Espainiako Unibertsitate ministroak nahiago duen ikasleak ez itzultzea ikasgeletera. Eusko Jaurlaritzak «autonomia» defendatu du.

Herri Urrats, iaz. ©GuiIlaume Fauveau

Bertan behera utzi dituzte Herri Urrats, Ibilaldia eta Araba Euskaraz

Oihana Teyseyre Koskarat

Udaberrian egitekoak ziren ikastolen aldeko jaiak, baina beste garai batean egitea aztertzen ari dira.

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Aitor Biain

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna