Behatokiaren asmoetako bat da «informazio eguneratua» ematea motibazio politikoko presoei ezartzen dieten espetxe politikaren inguruan. Hauek dira plazaratu duten lehenengo txosteneko datu batzuk.
Preso kopurua
241 preso. Gaur egun, EPPK Euskal Preso Politikoen Kolektiboko 232 preso daude, beste sei AEMren ingurukoan, eta Langraiz bidea hartutako hiru. EPPK-ko presoei dagokienez, 198 Espainiako kartzeletan daude, eta 34 Frantziakoetan. 201 gizonak dira, eta 31 emakumeak.
Urruntzea
114 preso, urruneneko espetxeetan. Espainiako kartzeletan dauden EPPK-ko presoetatik gehienak, 114 orotara, Euskal Herritik 520 eta 1.100 kilometro arteko espetxeetan daude. Beste 81 preso 200 eta 600 kilometro arteko kartzeletan daude.
Lehen gradua
154 preso. Oraindik ere, 154 preso atxikitzen dituzte lehen graduan. Dena dela, kartzela araudiko 100.2 artikuluaren aplikazioa dela eta, horietatik 39 «zentzuzko epe batean» bigarren gradura pasatzea espero dute Foro Sozialekoek.
Bigarren eta hirugarren graduak
44 preso. 37 preso bigarren graduan daude, eta beste hiru kalean daude espetxeratze arindua ezarri izanaren ondorioz. Hirugarren graduan, berriz, lau preso daude. Horietako bati espetxeratze arindua ezarri diote.
Irteera baimenak
Bederatzi preso. Orotara, bederatzi presori onartu dizkiete irteera baimenak, baina horietatik hiruk ez dute hartzerik izan pandemiaren ondorioz.
EGUNGO EGOERA
Iruzkinak
Ez dago iruzkinik
Ordenatu
