Albistea entzun

Sestao eta Getxo trenez lau minutuan lotzeko proiektua iragarri dute

Urdaibaiko Guggenheimerako plana bost hilabete barru izatea espero dute. Zortzi zahar etxe egokituko dituzte. Klima aldaketaren aurrean neurririk ez hartzea egotzi diote Rementeriari
Unai Rementeria Bizkaiko ahaldun nagusia eta Elixabete Etxanobe, Bizkaiko Batzar Nagusiko osoko bileran, atzo.
Unai Rementeria Bizkaiko ahaldun nagusia eta Elixabete Etxanobe, Bizkaiko Batzar Nagusiko osoko bileran, atzo. JAIZKI FONTANEDA/FOKU Tamaina handiagoan ikusi

Mikel Garcia - Gurutze Izagirre -

2022ko irailak 29

Hiru iragarpen nagusi egin ditu Unai Rementeria Bizkaiko ahaldun nagusiak, Bizkaiko politika orokorreko bere azken hitzaldian, Gernikako juntetxean. Bata, Bilboko metroko lehen eta bigarren lineak lotuko dituzte itsasadarraren azpitik egingo duten tunel baten bidez. Bigarrena, Urdaibain Guggenheim museoa sustatzeko planari bultzada emango diote. Hirugarrena, zortzi zahar etxe egokitu eta bi berri irekitzeko asmoa dute.

Rementeriak politika orokorreko azken mintzaldia egin du, aurreko astean iragarri baitzuen ez zela berriz aurkeztuko kargura. EAJren BBBk Elixabete Etxanobe proposatu du 2023ko foru hauteskundeetarako diputatugai nagusi gisa.

Azpiegiturekin lotutako lanak izan dira Rementeriaren iragarpen nagusiak. Hasieran ibilgailuentzako tunela izatekoa zena metroarena ere izango da. Metroaren 1. eta 2. lineak lotu asmo dituzte Sestaoko eta Areetako geltokien artean. Uste da egunean 5.000 lagun inguruk erabiliko dutela, eta ia hogei minutu gutxiago beharko direla geltoki batetik bestera heltzeko San Inazion zehar. Gaur egun, 25 minutu izaten dira, eta amaitutakoan lau inguru izango direla esan du. 2028rako prest egotea espero du.

185 milioi euroko gainkostua aurreikusten dute, eta guztira 600 milioiko aurrekontua izango du obra horrek. Rementeriaren ustez, «guztiz beharrezkoa da»: «Bizkaiko saihesbide handia izango da Hegoaldeko saihesbidearekin batera, eta Arrontegiko zubiaren alternatiba, egunero 155.000 ibilgailu igarotzen baitira bertatik». Esan duenez, zubitik 51.000 ibilgailu pasatuko dira lanegunetan, 18.000 ibilgailu kenduko ditu Artatzatik, 14.000 Max Centerren zuzenetik, eta 35.000 Arrontegiko zubitik.

Galdakaora metroa iristeko obren finantzaketaren akordioa urrian sinatuko da, eta obraren hiru zati lizitatuko dira.

Gernikako Guggenheim museorako sustapen lanen berri ere eman du. Arkitektura, ingurumen eta paisaia planaren oinarriak lantzeko, «ospe handiko» nazioarteko talde bat kontratatuko dute. «Espero dugu bost hilabete barru prest izatea plana. Aldi horretan, Espainiako Gobernuarekin hitzartutako 40 milioiko ekarpena ziurtatu behar dugu. Gainera, Eusko Jaurlaritzarekin lankidetzan jarraitu behar dugu, ingurumenaren arloan, eredu jasangarria ezartzeko eta Urdaibaiko erreserba zaintzeko».

Zaintza politikak

Azkenik, Rementeriak iragarri du elkarbizitza unitateak eratuko dituztela, eta Zamudioko egoitzarekin hasiko direla. 868 plaza gehiago iragarri ditu: «Eraldaketa horren ondorioz, 243 leku gutxiago egongo dira zentro horietan, baina bi zentro berri zabalduko dira leku gehien beharko diren tokietan: Sestaon eta Durangaldean».

Zaintza politikak direla-eta kritikatu dute Elkarrekin Podemos-IUk eta EH Bilduk. Eneritz de Madariaga Elkarrekin Podemos-IUko bozeramaileak salatu du Foru Aldundiko politikek zaintza sistema publikoa «indartzeko» ideia «saihestu» dutela, pribatu eta publikoaren arteko dikotomiara joz bide bakar gisa. Nagusien zaintza irabazi asmoa dutenen eskuetan uztea «erabaki okerra» dela adierazi du. EH Bilduko bozeramaileak, Bea Ilardiak, egoitzetako emakume langileen grebak ekarri ditu gogora.

Klima aldaketa hizpide

Krisi klimatikoari aurre egiteko neurriak ere eztabaidagai izan dira Gernikako juntetxean. Izan ere, zenbait alderdik Rementeriaren gobernua kritikatu dute ez duelako neurririk hartu. Bea Ilardiak baieztatu du klima aldaketari aurre egiteko premiazkoa dela «neurri ausartak eta egiturazkoak» hartzea, eta diputatu nagusiak krisi energetikoari lotutako gai nagusien aurrean izandako «isiltasuna» salatu du.

Bide beretik jo dute Elkarrekin Podemos-IUk eta PSE-EEk. Eneritz de Madariagaren ustez, klima aldaketaren aurka egiteko «plan» bat behar da, diputazioa «hasiera-hasieratik ezkutatuta» egon delako. PSE-EEko Juan Oterminek adierazi du «zaila» dela bizkaitarren arazoei aurre egitea. «Europa osoa hartzen duten erabakiak ezin dira alde batera utzi, Bizkaia ez delako mundutik at dagoen uharte bat», gehitu du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Sendagileek Donostia ospitalearen aurrean egindako protesta, atzo. ©GORKA RUBIO / FOKU

Sendagileek adierazi dute Jaurlaritzak ez diela erantzun beren deiei

Arantxa Iraola Gotzon Hermosilla

Elkarretaratzea egin dute Donostia ospitaleko atarian. Urkulluk uste du aferan «beste interes batzuk» egon daitezkeela. Oposizioak gogor kritikatu du egoera
 ©MAIALEN ANDRES / FOKU

«Anbizio handiko erreforma fiskal bat lortzeak ase gaitu»

Iosu Alberdi

Beti daude egindakoa hobetzeko moduak, baina Garrido gustura dago Espainiako aurrekontu negoziazioek emandako emaitzekin. Beste zenbait alorretan, ordea, PSOE mugiarazteko zailtasun gehiago dituzte.
Bilketa eguna, Basaurin. ©ARITZ LOIOLA / FOKU

Gizartearen erantzuna eskertu du elikagai bankuak

Olatz Silva Rodrigo

2019ko datuak gainditu dituzte Hegoaldean. 77.000 lagunen artean banatuko dute emaitza

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...