BIRA

Lagunak

Onintza Enbeita -

2020ko urtarrilak 21

Lagun baten etxean izan naiz asteburuan. Momentu on eta txar askotan ondoan izan dudan lagun baten etxean. Bazkaldu genuen, eta kontuak nahikoa esan ondoren, komunera altxatu nintzen. Pasiloan noala, Gabonetako zuhaitza jarrita zeukala konturatu nintzen. Pasilotik sukaldera egin nion zarata: «Hau arbola hau be kendu egin beharko da ba!». Itzuli nintzen eskaratzera, eta barreka zegoen oraindik: «Argiak amatatu dizkiogu eta dagoenik ere ez dugu igartzen!». Berbetan jarraitu genuen, eta joateko orduan, berriro pasilora atera behar. Lagunaren senarrari esan nion orduan: «Hori arbola hori kendu beharko dozue ba holako baten!». Hark ere barre egin zidan: «Pentsatzen nago berokientzako esekitoki moduan erabiltzea hurrengo Gabonetara arte. Hartara, txamarrak gainetik kentzen dizkiogunean, zuhaitza jarrita egongo da».

Eta argi gelditu zitzaidan ez dutela minutu bat ere galduko zuhaitzagatik ernegatzen. Ez duelako merezi. Ez daukate presarik: nahi badute kenduko dute, eta bestela ez. Badira gauzak merezi duten baino arreta gehiago jarri behar ez zaienak, eta haiek ere badituzte Gabonetako zuhaitza baino buruko min handiagoak. Etxerako bidean, kotxean neu bakarrik zuhaitzari barreka nentorrela, ohartu nintzen zergatik maite dudan hainbeste lagun hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna