Albistea entzun

Koronabirusa. Guillaume Barucq. Medikua

«Arazoa da derrigortzeak mesfidantza dakarrela nahi ala ez»

Oihana Teyseyre Kostarat -

2021eko irailak 16 - Baiona

Guillaume Barucq medikua da, Miarritzen (Lapurdi). Atzotik, itxita dago haren kontsulta, osasun langileen derrigorrezko txertaketagatik protesta egiteko. Txertoa jarri ez duten langileei alternatibak eskaintzearen alde egin du.

Osasun langileek derrigorrez txertatu behar dute. Zer diozu?

Pentsatzen dut gehiegizko neurri bat dela. Frantzian osasun langileak eskas dira, eta zailtasunak ditugu berriak erakartzeko. Behin-behinean milaka langileren kontratuak eteteak arten eskuragarritasuna zailduko du, halabeharrez. Zentro batetik bestera, egoera ezberdina da; leku batzuetan, ez dute sortuko arazorik; beste lekuetan, bai. Arten eskuragarritasunari eta lan egiteko eskubideari dagokienez, arazo larriak sortzen ditu neurriak. Gune batzuetan osasun langile bakar bat gutxiago izateak arazo larriak sortzen ahal ditu.

Horregatik, Olivier Veran [Frantziako] Osasun ministroari gutun bat idatzi diot, alternatibak eskatzeko. Adibidez, txertorik jarri ez duten langileei uzten ahal zaie PCR proba erregularrak egiteko aukera.

Txertoarekiko mesfidantza erakusten dute batzuek...

Nik ikusten dudana da jendeak dudak dituela. Denbora pixka bat behar dutelako, adibidez, ez baitute berehala egin nahi. Arazoa da derrigortzeak mesfidantza dakarrela nahi ala ez. Jendeak denbora gehiago eskatzen du, eta hori entzungarria da. Eztabaida mozten baduzu, ezinezkoa da konbentzitzea. Ate bat irekia utziz gero, alternatibak plantan emanez, iritziz aldatzeko denbora uzten diezu txertatu nahi ez dutenei. Bestalde, ikusten ari gara birusaren olatuaren beheraldian garela orain, baina ez dakigu ondoko aldaerei nola erantzungo dien txertoak. Galderak eta dudak dituen jendearen lekuan jarri behar dugu, ulertzeko, eta pedagogia egiteko.

Zure kontsulta hetsirik dago atzotik. Nola hartu duzu erabakia?

Eskualdeko Osasun Agentziak hartutako erabakien ondotik deliberatu nuen. Agentziak iragarri du osasun langileak kontrolatzeko agenteak bidaliko dituela, eta txertorik ez dutenei isunak eta kartzela zigorrak ezartzen ahal dizkietela. Artatzea delitu bilakatzen ari dira, Ipar Euskal Herriko zenbait lekutan arta basamortuak ditugularik. Eta argiki diot: nire paziente gehienek jarria dute txertoa jadanik, eta arriskuak dituzten pazienteak eta publiko zaurgarriarekin lan egiten dutenak jartzera bultzatzen ditut. Baina metodoa ez da ona.

Zein da, beraz, metodoa?

Ikusten dut Hego Euskal Herrian nola pasatzen den. Oso ezberdina da, eta arrazoia dute gauza anitzetan. Lekuko agintari politikoek osasun eskumena dute gauza anitzetarako, beren egiturak kudeatzen dituzte, eta, beraz, herritarrengandik hurbilago dira. Neurriak egokiago hartzen dira, eta txertaketa kanpaina ere hobeki joan da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ziburun hildako hiru migranteen heriotzak salatzeko protesta ©Guillaume Fauveau

Ziburun trenak harrapatuta zauriturik atera zen etorkinak eta hiru elkartek salaketa jarri dute

Oihana Teyseyre Koskarat

Nahi gabeko hilketagatik, bizia arriskuan jartzeagatik, nahi gabeko zauriengatik, eta pozoitzeagatik jarri dute salaketa Cimade, Anafe, eta Gisti elkarteek, istriputik zauriturik atera zen etorkinarekin batera.

Moderna txertoaren bi bial. ©Guillaume Fauveau

Moderna txertoa baizik ez dute jarriko Iparraldeko txertaketa guneetan

Oihana Teyseyre Koskarat

Eskualdeko Osasun Agentziak erran du «dosien kontserbazioagatik» hartu duela erabakia. Pfizer txertoaren dosi bat jarri behar dutenek eta 30 urtetik beherako herritarrek osasun langile independenteengana jo beharko dute hemendik aitzina.

Marifran Aranjuelo. / ©Maialen Andres, Foku

«Gezur asko esan dizkigute metroari buruz»

Unai Zubeldia - Gipuzkoako Hitza

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.