Albistea entzun

Beste hiru hilabetez luzatu dute Pablo Gonzalezen espetxealdia

Poloniako auzitegiak ez du arrazoirik eman. Aurki bederatzi hilabete beteko dira atxiloketatik

Gotzon Hermosilla -

2022ko azaroak 25

Poloniako Przemysl eskualdeko auzitegiak erabaki du Pablo Gonzalez euskal kazetariaren behin-behineko espetxealdia beste hiru hilabetez luzatzea. Auzitegiak ez du erabakiaren arrazoirik eman, auzia sekretupean dagoelako, eta fiskaltzari eta kazetariaren defentsari baino ez die emango horren berri.

Joan den otsailaren 28an atxilotu zuten Gonzalez, Polonian. Kazetaria Ukrainako gerratik ihesi zihoazen errefuxiatuei buruzko informazioa lantzen ari zen preso hartu zutenean. Hasieran, espioitza lanetan aritzea leporatu zion Poloniako Gobernuak, baina geroztik fiskaltzak ez du haren kontrako akusazio zehatzik aurkeztu, eta epaiketarako datarik ere ez diote jarri. Hala ere, jadanik hiru aldiz luzatu diote behin-behineko espetxealdia.

Azken hilabeteotan, Hego Euskal Herriko sindikatuek, zenbait egunkaritako zuzendariek, abokatu eta kazetari ugarik eta beste eragile batzuek salatu dute Gonzalezen atxiloketa eta espetxean pairatzen duen egoera.

Izan ere, inkomunikaturik atxiki dute, zenbait hilabetez ez du aukerarik izan senitartekoekin hitz egiteko, eta oraindik ez dauka egiten dizkioten akusazioen berri.

Haren lagun eta herrikideek Free Pablo izeneko plataforma osatu dute, kazetaria aske utz dezatela eskatzeko. Joan den azaroaren 8an, Adierazpen Askatasunaren Aldeko Jose Maria Portell saria eman zioten Gonzalezi.

Estreinako bisitaldia

Duela gutxi, haren bikotekide Oihana Goirienaren bisita izan du Gonzalezek Radomgo espetxean (Polonia), estreinako aldiz zortzi hilabetean. Bi orduko bisitaldia izan zen, eta, Goirienak azaldu zuenez, Poloniako zerbitzu sekretuetako kide bat han egon zen, Gonzalezek bikotekidearekin eta Gonzalo Boye abokatuarekin hitz egiten zuen bitartean.

Bisitaren ostean, Goirienak adierazi zuen Gonzalez ondo dagoela «fisikoki eta animo aldetik». Hura askatzeko Euskal Herrian egiten ari diren ahaleginen berri eman zion Goirienak Gonzalezi, eta kazetariak eskatu zion «bere egoeragatik kezkatuta dauden guztiei eskerrak emateko». Laster beste bisita bat egin ahal izatea espero du Goirienak.

Datorren astean bederatzi hilabete beteko dira atxilotu zutenetik. Poloniako legeriak hamar urteko espetxealdia ezartzen die espioitza delituei.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

EH Bilduk eta Elkarrekin Podemos-IUk ere azalpenak eskatu dizkiote Sagarduiri

Edurne Begiristain

Rebeka Uberak salatu du Osakidetzaren egoera «gobernantza eredu bertikal» baten ondorio dela. Miren Gorrotxagiren iritziz, «onartezina» da Osakidetzak profesionalak kargugabetzea haiek kudeaketa ereduaren gabeziak agerian uzteagatik. PP+C’s-k Sagardui kargutik kentzeko eskatu dio Iñigo Urkulluri.

Agustin Agirre. / ©Goiena Komunikazio Taldea

Agustin Agirre izendatuko dute Donostialdeko ESIko jarduneko zuzendari

Jon O. Urain

Osakidetzako zuzendaritzak ostiralean kendu zuen kargutik Itziar Perez. Loreto Marquet erizaintzako zuzendariordeak ere dimisioa eman du.

Emakumeen presentzia handiagoa da osasun gaiekin lotutako informazioetan ©Marisol Ramirez / FOKU

Osasunari buruzko piezetan BERRIAk berdintasunaren alde egiten duela dio ikerketa batek

Isabel Jaurena

Eneko Fernandez Artigasek eta Itxaso Fernandez Astobizak egindako ikerketa batek neurtu du emakumeek zein presentzia duten Arabako, Bizkaiko eta Gipuzkoako egunkari nagusietan argitaratutako osasunaren inguruko artikuluetan.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...