Martuteneko presondegian hilda aurkitu dute preso bat: 41 urteko gizonezko bat

Funtzionario talde batek eman du albistea, eta baieztatu egin dute gero Espetxe Erakundeetako iturriek. Ikerketa bat abian dela adierazi dute
Martuteneko presondegia, artxiboko irudi batean.
Martuteneko presondegia, artxiboko irudi batean. ANDONI CANELLADA / FOKU Tamaina handiagoan ikusi

Arantxa Iraola -

2020ko urtarrilak 14

Atzo goizean, presoen ohiko zenbaketa egitean, horietako bat hilotz zegoela ikusi zuten Martuteneko espetxean (Donostia). Kartzeletako langileen talde batek eman zuen gertaeraren berri aurrena, eta Espainiako Espetxe Erakundeen idazkaritza nagusiak baieztatu egin zuen ondoren. Presoaren identitateari buruzko argibiderik ezin dutela eman esan dute bertako informazio iturriek; oraingoz, 41 urteko gizonezko bat dela baieztatu dute, besterik ez. Datuak babesteko legeak beste ezer esatea eragozten diela diote.

Heriotzaren kausa argitzeko ere denbora beharko dela adierazi dute Espainia Espetxe Erakundeetako arduradunek. Hilotzari autopsia egin beharko zaiola esan dute, eta auzibide bat irekiko dela; horrez gain, barne ikerketa bat ere egingo dutela adierazi dute. Zenbait informazio iturritan zabaldu da, hala ere, zein izan daitekeen preso horren heriotzaren motiboa: gaindosi bat.

Espetxeetako egoerarekin kezka handia dago. Iaz, esaterako, Zaballako kartzelan (Araba) bost preso hil ziren; zabaldu diren datuen arabera, gaindosien ondorioz hil ziren bi, eta beren buruaz beste eginda beste bi. Argitzeko dago beste bat. Gizonezko gazteak ziren gehienak. Espetxeetako baldintza kaskarrak salatze aldera, presoen heriotzen berri ematen dihardu funtzionario talde batek, eta, horien arabera, iragan abenduaren 20an ere hil zen preso bat Martutenen. Funtzionario horiek salatu izan dituzte kartzeletan gertatutako borrokak ere: iazko urriaren amaieran, esaterako, «istilu baten» berri eman zuten. Espetxeko zuzendaritzak zortzi preso bakartu zituen egoera horren ondorioz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU
 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna