Albistea entzun

Frantziak utzi egin du erregaiaren zerga 2019an emendatzeko asmoa

Edouard Philippe lehen ministroak ohartarazi du irtenbidea «eztabaidatik» atera beharko dutela

Ander Perez Zala -

2018ko abenduak 6

Herritarren haserrea baretu nahian, beste erabaki bat hartu du Emmanuel Macron Frantziako presidenteak: erregaiaren zerga 2019an igotzeko asmoa utzi du. Jaka Horien mugimendua sortzeko arrazoia izan zen zerga igoera hori, baina, hiru asteren ostean, aldarrikapenen zerrenda luzatu egin da, eta atzoko erabakia, beraz, ez da «nahikoa» izan Jaka Horientzat zein oposizioko alderdientzat. Hiru asteko epean, mugimenduak lortu du alderdiek eta sindikatuek urte eta erdian lortu ez dutena: Frantziako presidenteak amore ematea. Jaka Horiek, ordea, oraindik asko dute esateko.

Edouard Philippe Frantziako lehen ministroak herenegun jakinarazi zuen sei hilabetez atzeratuko zutela erregaiaren zergaren igoera. Bada, asmo horrek ez zituen protestak baretu, eta sindikatuak eta ikasleak pixkanaka mugimendura batzen hasi dira asteon. Egoera horren aurrean, atzo gaualdean ministroen kontseilua izan zuen Macronek, eta han hartu zuen erabakia.

Une horretan, bost ordu ziren Frantziako Asanblean Jaka Horiek sorturiko krisi politikoaz eztabaidatzen ari zirela. Oposizioko diputatuek saio hori baliatu zuten mugimenduaren errebindikazio batzuk ganberara eramateko, eta eztabaida nabarmen berotu zen; Macronen talde parlamentarioan zatiketa sumatu zen, baita autokritika ere.

Egoerak bere horretan jarraituko zuela zirudienean, eztabaidaren amaieran iritsi zen jakinarazpena Frantziako lehen ministroaren ahotik, ohartarazpen batekin: «Irtenbidea eztabaidatik atera beharko dugu». Kasu horretan ere, albistea ez zen Frantziako presidentearen ahotik etorri; izan ere, haren irudia zaintzeko helburuarekin, Macronek ez du hitzik esan auziaz. Horregatik, gobernuaren eledun Benjamin Griveauxen bitartez, «lasaitasunerako deia» zabaltzeko eskatu zien eragile politikoei eta sozialei.

Larunbateko hitzordua

Etziko manifestazioak, protesta sortako laugarrenak, bere horretan jarraitzen du: «IV. Ekintza, Alde Egin Macron!». Ikasleez gain, Sud Rail sindikatua, baserritarrak eta funtzionarioak batu zaizkie Jaka Horiei, baita kamioi gidariak ere; horiek igandean egingo dute protesta.

Hitzordu horien arrakastak, beraz, islatuko du Macronen erabakiek arrakastarik izan ote duten ala Jaka Horiek kalean borrokan jarraituko duten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Karakalpakstango 22 ekintzaileren kontrako epaiketaren hasiera, joan den astelehenean, Uzbekistango Bukhara hirian. ©BERRIA

Karakalpakstango protesten epaiketa hasi du Uzbekistanek

Gorka Berasategi Otamendi

Hogei urte arteko zigorrak eskatu dituzte 22 auzipetuen kontra. Manifestariek salatu zuten presidenteak eskualde autonomoaren subiranotasuna ezabatu nahi zuela konstituzio erreforma batekin

Macron eta Putin prentsaren aurrean, joan den otsailaren 7an Moskun egindako bileraren ondoren. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidenteak elkarrizketa batean adierazi duenez, Putinek gerraren amaiera negoziatzea onartzen baldin badu, aintzat hartu behar da NATO «bere ateetaraino heltzeko duen beldurra»
Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...