Albistea entzun

Igarobide seguruak eskatu dituzte Greziatik umeak ekartzeko

Ongi Etorri Errefuxiatuak eta Mugak Zabalduz elkarteek ekinbide bat ondu dute osasun arazo larriak dituzten umeak Euskal Herrira ekartzeko

Ongi Etorri Errefuxiatuak eta Mugak Zabalduz elkarteen agerraldia, atzo, Gasteizen.
Ongi Etorri Errefuxiatuak eta Mugak Zabalduz elkarteen agerraldia, atzo, Gasteizen. RAUL BOGAJO/ FOKU Tamaina handiagoan ikusi

Edurne Begiristain -

2022ko maiatzak 26 - Gasteiz

Greziako errefuxiatu esparruetan osasun laguntzarik eta elikadura duinik gabe bizi dira ehunka haur. Horietako asko oso zaurgarriak dira, osasun arazo larriak baitituzte. Migranteekin lanean ari diren elkarteek sarritan egin dute ohartarazpena, hala nola MSF Mugarik Gabeko Medikuak erakundeak. Gobernuz kanpoko erakunde horrek emandako datuek ematen dute egoeraren neurria: 2020.urtean Moriako kanpalekuan bizi ziren 140 umek osasun arazo larriak zituzten. Urtebete geroago egindako beste txosten batean, are datu kezkagarriagoak eman zituen: 120 haur beren buruaz beste egiten saiatu ziren Greziako errefuxiatu eremuetan.

Ikusi gehiago: «Umeen osasun fisikoa ez ezik, haien buru osasuna ere okertu da»

Gaur egun ere «oso larria» da Greziako kanpalekuetan bizi diren haurren egoera, Ongi Etorri Errefuxiatuak eta Mugak Zabalduz elkarteek atzo ohartarazi zutenez. Bi elkarteek prentsaurreko batean jakinarazi zuten instituzioei eskatuko dietela Europan «igarobide seguruak» zabaltzeko haur horiek Euskal Herrira ekartze aldera. Xede horri helduta, ekinbide bat ondu dute bi elkarteek, eta erakundeen, alderdien eta gizarte eragileen artean atxikimenduak biltzeari ekin diote. Besteak beste, Eusko Legebiltzarreko eta Nafarroako Parlamentuko talde batzuekin bildu dira ekinbidearen berri emateko, eta gutun bat bidali diote Espainiako Barne Ministerioari.

Arantxa Gutierrez Paz eta Agustin Gorbea elkarteko kideek jakinarazi zuten asmoa dela Greziako errefuxiatu esparruetan osasun arazo kronikoak direla medio egoerarik kalteberenean dauden umeak «bermeekin» ekartzea, eta, horretarako, ezinbestekotzat jo zuten Europako Batasuneko herrialdeetatik Euskal Herrira iristeko «bidea erraztea». Osasun arazo larriak dituzten «25-40 ume inguru» ekarri nahi dituzte, hemengo erakundeek «maila guztietako harrera eta laguntza» eman ahal izateko.

Azaldu zutenez, Ukrainako gerratik ihes egin eta Europan asiloa eskatzen ari direnei Europako Batasunak eskaintzen dien harrera bera nahi dute beste herrialdeetako migranteentzat. «NATOk eta AEBek sortzen dituzten gerretatik ihesi doaz, baina EBk mugak ixten dizkie, itsasoan hiltzen uzten dituzte... Europako agintariak ekintza kriminalak egiten ari dira. Kriminalak dira», salatu zuten. «Borondatea» eskatu zuten konponbideak bilatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatu Medikoko kideak, atzo, greba hasi aurreko elkarretaratze batean. ©VILLAR LOPEZ / EFE

Ultimatuma eta greba hotsak

Ion Orzaiz

Sindikatu Medikoak ezezko borobila eman dio Nafarroako Gobernuaren eskaintzari, eta grebari eutsi dio. Eskaerak: soldata igoera handiagoa, esklusibotasuna eta gobernuaren solaskide bakarrak izatea
Mutilentzat bakarrik den Erain ikastetxea, Irunen (Gipuzkoa), artxiboko irudi batean. ©GORKA RUBIO / FOKU

Jaurlaritzak ituna eten egingo die sexuka bereizten duten eskolei

Edurne Begiristain

Hurrengo ikasturtetik aurrera kenduko zaie finantzaketa. Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla
 ©JON URBE / FOKU

«Diktaduraren aurkako indarkeria kondenatu beharra ez dut ulertzen»

Xabier Martin

Frankismoak 1960tik 1975era Gipuzkoan eragindako biktimak identifikatzeko ikertzen aritu da. Uste du erakunde batzuk«deseroso» daudela ETA sortu zeneko aro historiko horri erreparatzean.
Presoak desfilatzen, 1960ko hamarkadan, Langraiz Okako espetxean (Araba); Alfer eta Gaizkileen Legearen arabera kartzelatu zituzten horietako asko. ©JAVIER GOMEZ

Moral bikoitzak kondenatuak

Iraia Vieira Gil

'Alferrak eta gaizkileak' izateagatik atxilotu zituztenak omentzeko erakusketa bat egin du aldundiak Gasteizen. Orduan ahotsik izan ez zutenei lekua eman nahi izan diete gaur.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.