Albistea entzun

Beste behargin bat hil da lan istripuz, azken bost egunetako hirugarrena

Igantziko harrobian kamioilari bat hil da, gidatzen ari zen ibilgailua iraulita. Sindikatuek «berehalako neurriak» eskatu dizkiete erakundeei
Materiala deskargatzen ari zen kamioia irauli egin zen, atzo, Igantziko harrobian.
Materiala deskargatzen ari zen kamioia irauli egin zen, atzo, Igantziko harrobian. BERRIA Tamaina handiagoan ikusi

Aitor Biain -

2021eko irailak 9 - Gasteiz

Azken bost egunetan hiru langile zendu dira Euskal Herrian lan istripu batean. Azkena, atzo eguerdian bertan, Igantzin (Nafarroa). Foruzaingoaren arabera, harrobian materiala deskargatzen ari zen kamioia irauli egin zen, eta gidaria hil egin zen horren ondorioz. Osasun langileak eta suhiltzaileak bertaratu ziren istripua artatzera, baina ezin izan zuten ezer egin. Langileak 55 urte zituen, eta Irungoa zen (Gipuzkoa). Foruzaingoa gertatutakoa ikertzen ari da.

ELAren kontaketaren arabera, 47 dira urtea hasi zenetik lanean hildakoak Euskal Herrian. Berriki, astelehenean, baso lanetan ari zen 38 urteko behargin bat hil zen Zanbranan (Araba), zuhaitz bat gainera erorita. Eta iragan larunbatean, 54 urteko gizonezko bat hil zen Berriobeitiko enpresa batean (Nafarroan), pala kargatzaile batek harrapatuta.

Hain zuzen ere, sindikatuak nabarmendu du laneko istripu-tasa %30 igo dela 2012tik, eta laneko heriotzen %40en arrazoi zuzena enpresek segurtasun neurriak ez ezarri izana dela. Bada, ELAren irudikoz, horrek guztiak «berehalako neurriak» eskatzen ditu, eta erakundeei eskatu die enpresetako segurtasun baldintzak kontrolatzeko bitarteko gehiago jartzeko.

Basogintza berraztertu

Mezu bera helarazi zieten Arabako Foru Aldundiari atzo goizean ere. ELA, LAB, ESK, Steilas, Hiru eta EHNE sindikatuek deituta, protesta egin zuten Gasteizen, basogintza sektoreko beharginen lan baldintza kaxkarrez ohartarazteko. Izan ere, dagoeneko sei dira basoko lanetan ari zirela istripua izan eta hil diren langileak aurten.

Datua «azpimarragarria» da Izaro Mujika ELA sindikatuko ordezkariaren hitzetan, «kontuan hartuz gero gutxi izaten direla sektore horretan aritzen diren langileak». Horregatik, uste du egoera bera lan baldintza txarren eta erakundeen «utzikeriaren isla» dela. «Lan hauek erakundeen menpekoak izaten dira askotan, hau da, beraiek esleitutako lanak izaten dira, eta ikusten denez ez dago inolako kontrolik».

Bat dator Igor Chillon LABeko kidea ere. Eta gogorarazi du astelehenean hildako langilea Zanbranako herri lurretan ari zela lanean, Arabako Aldundiak kontratatutako Castelloko Contrachapados Archena enpresaren- tzat. Horregatik, sindikatuaren ustez, diputazioa bera da heriotzaren «arduradun politikoa». «Behin lana esleituta, ez du inolako jarraipenik egin», gaitzetsi du, eta azalpenak eskatu dizkio: «Esplikatu behar du ea zer baldintzatan gertatu zen istripua, eta zein segurtasun neurri hartu ziren. Baina, batez ere, diputazioak adierazi behar du zein neurri hartuko dituen horrelako istripu bat berriro gerta ez dadin».

LABen hitzetan, sektorea bera berraztertu behar da. «Basogintzaren eredua bera dago tartean, horrek dakarren guztiarekin: lan erritmoak, ordu estrak, prebentzio neurririk ezak... Horrek guztiak eraman gaitu gaur egungo egoerara», adierazi du Chillonek. ELAren irudikoz ere, lana «berez gogorra» izateak ez du esan nahi «lan baldintza duinak» izan behar ez dutenik. «Argi dago sektorearen kontrola galtzen den momentutik baldintzak izugarri kaskartzen direla, eta horrelako istripuak gertatzen direla».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lan deialdi publiko batera aurkeztutako hautagai batzuk, azterketa egiten. ©Marisol Ramirez (Foku)

LABen arabera, «egiturazko milaka lanpostu» geratu dira egonkortze deialdietatik kanpo

Jokin Sagarzazu

Sindikatuak auzitara jotzeko aukera aztertuko du. Jaurlaritzaren «utzikeria eta aldebakartasuna» salatu du.

Lanbideren bulego bat Donostian ©Juan Carlos Ruiz (Foku)

ELArentzat, «atzerapausoa» da DSBE berria

Jokin Sagarzazu

Sindikatuak eskatu du lege proiektua bertan behera uzteko, eta berehala aplikatzeko sariaren inguruan 2008ko legeak ezartzen dituen zenbatekoak, sistema berri bat adostu arte.

Iñigo Urkullu Lehendakaria lurra botatzen Petronorren planta berriaren lehen harriaren gainean. ©Miguel Toña / EFE

Petronorrek bi urte barru martxan nahi du erregai sintetikoen planta

Imanol Magro Eizmendi

103 milioi euroko inbertsioa egingo du, eta dagoeneko eraikitzen hasi da. Bilboko portuko deskarbonizazio nukleoko lehen azpiegitura izango da.

Aldundiko eta merkataritza nahiz enpresarien elkarteetako ordezkariak, gaur, Gasteizen. ©Berria

Arabak bi hilabetez atzeratuko du Ticket Bai sistema

Aitor Biain

Abenduaren 1etik aurrera izango da derrigorrezkoa, urriaren 1etik aurrera izan ordez. 60 urtetik gorako autonomoak ere salbuetsita geratuko dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...