Albistea entzun
Emakumeen aurkako indarkeriari ez
Emakumeen aurkako indarkeriari ez

Afganiarren erdiak baino gehiago «elikadura krisi larri baten» atarian daude

NBEren bi agentziak eskatu diote nazioarteari «urgentziaz» esku hartzeko, hurrengo hilabeteetan «hondamendi humanitario bat» izatea eragozteko
Emakumezko bat eta haur bat Kabulen, joan den irailean, errefuxiatuentzako kanpaleku batean.
Emakumezko bat eta haur bat Kabulen, joan den irailean, errefuxiatuentzako kanpaleku batean. EFE Tamaina handiagoan ikusi

Igor Susaeta -

2021eko urriak 26

NBE Nazio Batuen Erakundearen bi agentziak egindako ohartarazpena argia da: afganiarren erdiek baino gehiagok, 22,8 milioi pertsona inguruk, «elikadura krisi larri bat» pairatuko dute datorren azarotik aurrera. Hori nabarmendu dute FAO Nazio Batuen Elikadura eta Nekazaritza Erakundeak eta MEP Munduko Elikadura Programak Afganistango egoerari buruz kaleratutako azkeneko txostenean. Hori dela eta, pertsona horien elikadura behar oinarrizkoenak betetzeko eta «hondamendi humanitario bat» eragozteko, nazioarteari eskatu diote «urgentziaz» esku har dezala eta egoerari aurre egin ahal izateko baliabide «eraginkorrak» eman ditzala azaroa eta apirila bitartean. «Munduko krisi humanitario okerrenetakoa da Afganistangoa, okerrena ez baldin bada. Elikadura ziurtasunak behea jo du ia. Negu honetan immigrazioaren eta gosetearen artean aukeratu beharko dute milioika afganiarrek», adierazi du MEPeko zuzendari David Beasleyk.

Bi agentziek badute elikadura ziurgabetasuna neurtzeko batetik bosterako eskailera bat. Bosgarren eskailera tartea gosetea litzateke, eta, txostenean jaso dutenez, hirugarren eta laugarren tartera helduko dira afganiarren erdiak baino gehiago. 22,8 milioi horien artean bost urte baino gutxiago dituzten 3,3 milioi haur daude, eta NBEren agentziek aurreikusten dute urtea amaitu baino lehen elikadura urritasun larria jasango dutela. Txostenean azpimarratu dutenez, 22,8 milioi herritar baino gehiago egoera horretan egoteko, aintzat hartu behar dira lehortearen, gatazken, COVID-19aren eta krisi ekonomikoaren «kolpeen konbinazioak».

Horri aurre egiteko, zenbakiak plazaratu dituzte. MEPentzat, 190 milioi euro inguru bideratu behar dira hilero; eta FAOk 9,8 milioi euro eskatu ditu urgentziaz, eta 190 bat milioi euro hurrengo laborantza sasoirako. Kexu agertu dira, gainera, oraingoz eskatu dituzten funtsen heren bat baino ez dutelako jaso. Aintzat hartu behar da, bide batez, G20ko herrialdeek laguntza bidaltzea adostu zutela duela pare bat aste. Munduko herrialde industrializatuenen taldeak NBEren esku utzi du diru funtsak bideratzeko ardura. Europako Batasunak 1.000 milioi euro agindu ditu.

FAOk eta MEPek hamar urte daramatzate Afganistango elikadura egoera aztertzen, eta adierazi dute inoiz ez dutela hain egoera kezkagarririk detektatu. Azken hilabeteetan nabarmen egin du okerrera —talibanak abuztu erdialdean heldu ziren boterera—; apirileko datuekin alderatuta, Afganistanen %37 gehiago dira gose larria dutenak, eta gune urbanoetan zein landa eremuetan ia parean daude tasa horiek.

Bilera Pekinekin

Txinako Atzerri ministro Wang Yi talibanen ordezkariekin bildu zen atzo Qatarren, eta gaur ere haiekin elkarrizketatzekoa da, Txinako CGTN telebista kateak jakinarazi zuenez. Informazio horren arabera, Pekinek nahi du talibanen gobernua «islamikoa baina irekia eta inklusiboa» izatea.

Errusiako, Txinako, Pakistango eta AEBetako gobernuak Pakistanen biltzekoak dira azaroko bigarren hamabostaldian, Afganistango egoeraz hitz egiteko. Horixe esan zuen atzo Errusiako Gobernuak Afganistanerako duen ordezkariak, agerraldi batean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.
SDFen jarraitzaileak, joan den igandean, martxa batean, Qamishlin (Rojava). ©EFE

Turkiarekiko jarrera «gogortzeko» eskatu diete SDFek aliatuei

A. Perez Zala

Kurduak gehiengo diren koalizio militarraren komandanteak esan du Estatu Islamikoa erasoak prestatzen ari dela Ankarak lurreko operazio militarra agintzen duenerako
Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.