Noiz sortua: 2019-02-15 00:30:00

Horniduren eta gastuen jaitsierak %10 handitu ditu Laboral Kutxaren irabaziak

Kreditu kooperatibak mailegu gehiago emanez egin dio aurre interes tasa txikiak dakarzkion trabei. Berankortasun tasa %4,5 apaldu du

Iker Aranburu -

2019ko otsailak 15

Urte ona izan da 2018a Laboral Kutxarentzat. 113 milioi euro irabazi zituen iaz, aurreko urtean baino %10,06 gehiago. Mozkin gordina 148 milioikoa izan da, eta 14,7 milioi euro ordaindu ditu sozietate zergan, irabazien %10 inguru.

Mozkinaren handitzeak lotura zuzena izan du hornidura txikiagoekin: egoera ekonomiko hobearen eskutik, mailegu ustel gutxiagoren kaltea estali behar izan zuen Mondragon taldeko finantza erakundeak joan den urtean: 35,3 milioi izan ziren 2017an, eta 11,4 milioi baizik ez 2018an. Horri gehitu behar zaio administrazio gastuak bost milioi eurotan jaitsi dituela —227 milioi eurora arte—, eta komisioetan bost milioi gehiago patrikaratu dituela. Inbertsio funtsek kontratazioak eta kreditu txartelen «portaera onak» zerikusi handia izan dute komisioak handitzearekin.

Bi atal horien hobekuntzak konpentsatu ditu negozio hutsaren zailtasunak. Izan ere, interes tasak zerotik hurbil izateak konplikatu egiten du bankuen negozio arrunta: bezeroen aurrezkia biltzea, eta haiekin maileguak ematea, interes tasa handiagoekin. Horrela, interesek eman duten marjina milioi bat euroan txikitu zaio bankuari, 246,4 milioi eurora arte.

Kapital aldetik sendo

Testuingurua ikusita, datua «oso ona» iruditu zaio Laboral Kutxari. Besteak beste, mailegu gehiago ematen ari delako: hipoteka maileguak %18,7 handitu dira azken urtean, enpresa txiki eta ertainentzako kredituak %18,8 eta autonomoentzako eta negozio txikientzako maileguak, berriz, %14,5. Ona iruditu zaio bildutako aurrezkia ere; bezeroen kudeatutako baliabideak %3,9 handitu dira (21.841 milioi euro). Horien artean %4,3 handitu dira barruko baliabideak —hala nola, ageriko kontuak, aurrezki kontuak eta eperako kontuak—; halaber, inbertsio fondoen saldoek %5etik gorako hazkunde erritmoari eutsi diote.

Urtea osasun egoera onean bukatu duela dioeten beste parametro batzuk ere erakutsi ditu Laboral Kutxak. Batetik, berankortasun tasa %4,51 txikitu du; eta, bestetik, kaudimena handitu egin du: CET1 kapital-ratioa %18,76koa du, ikuskatzaileak eskatzen duen gutxieneko tasa baino hamar puntu gorago.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna