Albistea entzun

Itxiera eragozteko asmoz, bost egunez greba egingo dute Siemens Gamesan

Zuzendaritzarekin bilduko dira gaur, eta Maria Txibiterekin. Lanuzteak egingo dituzte bihar, hilaren 23an eta 29an,eta abuztuaren 6an eta 7an
Siemens Gamesako langile batzordeko ordezkariak, atzo, Nafarroako Gobernuaren egoitza aurrean.
Siemens Gamesako langile batzordeko ordezkariak, atzo, Nafarroako Gobernuaren egoitza aurrean. IÑIGO URIZ/ FOKU Tamaina handiagoan ikusi

Joxerra Senar -

2020ko uztailak 15

«Ez da gure arazo bat soilik, guztion arazoa da». Agoizko (Nafarroa) Siemens Gamesako langileek eskertu egin dute larunbatean milaka herritarrek elkartasuna adierazi izana, eta konpromiso horri eusteko beharra adierazi dute. Batetik, Siemens Gamesak funts publikotik milioika euro jaso dituelako, eta orain «beste toki batera joatea erabaki duelako ondorio pertsonalei eta lan arlokoei jaramonik egin gabe». Bestetik, kolore bateko eta besteko alderdiek energia berriztagarrien sektorea estrategikoa dela adierazten dutenez, hitzetatik ekintzetara pasatzera dei egin dute. Itxiera eragozteko asmoz, presio egiten jarraituko dute, eta bost egunez greba egiteko prest dira.

Iragan astean helarazi zizkien langileei eta sindikatuei Siemens Gamesako zuzendaritzak kaleratzeen arrazoi teknikoak. Langile batzordeak zuzenean zerbitzu juridikoei helarazi die txostena, goitik behera azter dezaten. Hain zuzen ere, bigarren bilera izango dute bihar. Egun horretan greba egingo dute langileek, eta, halaber, beste lau greba egun iragarri dituzte: uztailaren 23an, 29an, abuztuaren 6an eta 7an. Biharko bileraren aurrean, gainera, Sarrigurengo egoitza nagusian elkarretaratzea egingo dute langileek.

Bilerak eragileekin

Ez dira besoak gurutzaturik geratu. Bileraz bilera dabiltza, euren arazoa sozializatu eta erabaki ahalmena duten eragileekin hitz egiten. Iragan astean, EH Bildurekin, Nafarroako Arartekoarekin, Agoizko alkatearekin eta Nafarroako Gobernuko ordezkaritzarekin elkartu ziren. Atzo, Geroa Baiko ordezkaritza batekin elkartu ziren, eta gaur Maria Txibite lehendakariarekin. Bihar, Unai Hualde Nafarroako Parlamentuko lehendakariarekin, eta ostiralean, Ahal Dugu-rekin. Azkenik, UPN, PP eta Ezkerrarekin ere elkartzeko asmoa dute.

«Ataka estuan gaude, eta konponbideak behar ditugu. Sobera daude hitz ederrak. Benetako konpromisoa eta ekintzak behar ditugu», esan dute. Azken egunotan azpimarratu bezala, Agoizkoa fabrika «gaztea eta produktiboa» da, zuzendaritzak dioenaren kontra. Gogora ekarri dutenez, alderdiek une oro kezka azaltzen dute deslokalizazioaren aurrean eta berriztagarrien sektorea goraipatu ohi dute. Horregatik, uste dute ezin dutela «lantokia ixten utzi».

Siemens Gamesako langileen batzordean, ELAk sei ordezkari ditu; LABek, lau; UGTk, bi, eta CCOOk, bat. Laurak elkartuta daude, eta salatu dute ez dagoela oinarririk lantegia ixteko. Lehenik eta behin, enpresak ez du galerarik; aitzitik, «ekoizpena beste lantoki batzuetara eraman nahian dabil gehiago irabazteko». Bigarrenik, azken egunetan adierazi bezala, gogora ekarri dute lan eskaria bermatuta zegoela 2021eko irailera arte. Halaber, argudiatu dute Agoizko fabrikak tamaina nahikoa duela pala handiagoak egiteko, eta azaldu dute haren eredua ez dela katalogotik at geratu. Gainera, zuzendaritzak konpromisoa zuen produkzioari eusteko 2021era arte, bileretako aktek islatzen duten bezala. Azkenik, zuzendaritzak SG155 prototipoa Agoitzen egiteko asmoa azaldu zuen, baina, azkenean, beste lantoki batzuetara eraman zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Sindikatuen protesta bat, greba egunean. ©MONIKA DEL VALLE / FOKU

Sindikatuek grebak bultzatzen jarraituko dute enplegu publikoa kontsolidatu arte

Xabier Martin

ELA, LAB, CCOO, SATSE, ESK eta Steilas sindikatuek apirilaren 22ko grebari buruzko "oso balorazio positiboa" egin dute, eta urratsak egiteko eskatu diote administrazioari

Finantzen Euskal Kontseiluaren bilera bat, iaz, pandemia iritsi aurretik. ©JUANAN RUIZ / FOKU

Apirilera arte %9,8 igo da Araba, Bizkai eta Gipuzkoako ogasunen bilketa

Xabier Martin

Hiru ogasunek 4.177.7 milioi euro bildu dituzte urteko lehen lauhilekoan, eta iazkoan, martxo-apirileko itxialdia tarteko, 3.802.8 milioi izan ziren, ia %10 gutxiago

Autoak, Gasteizko gasolindegi batean ©Endika Portillo (Foku)

KPIak %2,5 egin du gora, energien prezioengatik

Jokin Sagarzazu

2018tik izandako hazkunderik handiena izan den arren, gainerako produktuetan egonkor mantendu da

N-1eko ordainsariaren aurkako protesta, Hiruk deitutakoa, 2015eko urrian. ©Juanan Ruiz / Foku

Oposizioak bidesariekin «tematzea» egotzi dio Gipuzkoako Aldundiari

Iker Aranburu

Garraiolariei dirua itzultzeko eskatu dute EH Bllduk eta Elkarrekin Podemosek. Aldundiaren jarrera «arduragabea» da, Hiruren iritziz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.