Albistea entzun

Koronabirusa

Europan beste agerraldi bat izateko arriskuaz ohartarazi du OMEk

Osasunaren Mundu Erakundeak ohartarazi du neurri gehiago hartu ezean 500.000 hildako gehiago eragingo dituela kontinentean
Jendea txertoa hartzeko zain, Lublinen, Polonian.
Jendea txertoa hartzeko zain, Lublinen, Polonian. WOJTEK JARGILO / EFE Tamaina handiagoan ikusi

Arantxa Elizegi Egilegor -

2021eko azaroak 5

OME Osasunaren Mundu Erakundeak ohartarazi zuen atzo beste agerraldi handi bat izateko arriskua «handia» dela Europan, eta zehaztu du horren atzean daudela txertatze erritmo motela eta murrizketak arindu izana. «Beste agerraldi bat izateko puntu kritikoan gaude. Pandemiaren erdigunean dago orain Europa, duela urtebete bezala. Gaur dugun abantaila da gehiago dakigula, eta, beraz, gehiago egin genezakeela», adierazi du OMEren Europako arduradun Hans Klungek. Haren esanetan, neurri sozialak hartu ezean, hemendik otsailera bitartean beste 500.000 hildako eragingo ditu pandemiak Europan eta Asia erdialdean.

Negua gerturatu ahala, koronabirus kasuak ere ugarituz doaz, batez ere Europa ekialdeko herrialdeetan. Ukrainan, kutsatzeak azkartu ditu delta aldaerak eta 40 milioi biztanleko herrialdean eguneko 720 hildakoren berri ematen ari dira batez beste azken egunetan. AEBen eta Errusiaren ostean, hildako gehien jakinarazi duen estatua da Ukraina.

Hiru txerto mota jarri ditu Kievek eskuragarri, Pfizer, AstraZeneca eta Txinan egindako CoronaVac, eta 180 txertatze gune ere zabaldu dituzte, baina herritarren %20ra ez da heltzen txertatutakoen kopurua. Gobernuak ahaleginak egin ditu txertatze kanpainak eginez eta txertatu gabeei joan-etorriak murriztuz, baina, hala ere, askok nahiago dute txertatze dokumentu faltsuak erosi —Poliziak ehunka isun jarri ditu orain arte—. Joan den astean beste ahalegin bat egin zuen Volodimir Zelenski presidenteak, eta txertatzeko deia egin zien herritarrei: «Itzali sare sozialak, eta piztu zuen garunak».

Antzekoa da egoera Bulgarian ere. Han 4.922 kasuren berri eman zuten atzo, eta gobernuak jakinarazi zuen 954 pertsona eraman behar izan zituztela erietxera, horietatik %89,9 txertatu gabeak. Europako Batasunean txerto gutxien jarri duen herrialdea da Bulgaria: herritarren %28k soilik hartu dute txerto bat.

Hungarian ere kasuak joan den astearen erdian halako bi dira orain. Gaur bertan 6.268 kasu jakinarazi dituzte osasun agintariek. Gobernuak arindu egin ditu joan-etorrien neurriak: egun, soilik garraio publikoan da derrigorrezkoa maskara erabiltzea. Enpresa arduradunek askatasuna dute langileak txertatzera derrigortzeko, eta erietxerako bisitak, berriz, debekatuta daude.

Erietxeak gainezka

Errumania da Europan txerto gutxien jarri dutenen artean bigarren herrialdea, eta hiru astetik hona egunean 400 hildako baino gehiagoren berri ematen ari dira batez beste —duela hilabete baino %200 gehiago—. Kutsatzeek, berriz, azken orduetan behera egin duten arren, nabarmen ugaritu dira duela hilabeteko datuekin alderatuta.

Bukaresteko Larrialdietarako Unibertsitate Erietxea da herrialdeko handiena eta berriena, eta, hala ere, bertan behera utzi behar izan ditu larrialdikoak ez diren ebakuntza guztiak, eta beste herrialde batzuetara eraman behar izan ditu gaixoak, bertan nahikoa toki eta baliabiderik ez dutelako. Erietxeko arduradunek karpa bat jarri dute eraikinaren kanpoaldean, koronabirusa duten gaixoak artatu ahal izateko. Baina, hala ere, arazo larriak dituzte guztiak hartu ahal izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Melillako hesiak marraztak izan ohi ditu goialdean, Marokok kontrolatzen duen aldean. ©MARIA TRASPADERNE / EFE

Itsasoak ere baditu mugak

Jone Arruabarrena

Burdinazko hesi batek inguratzen du Melilla; mendietatik hasi eta itsasoraino hedatzen da. Herritar batzuek ihesi datozen migranteei laguntzen diete.
AEBetako jatorrizko herrien protesta bat, artxiboko irudi batean. ©E. GARCIA / EFE

Ezin eska indigenei besteek ezin dutena

Urtzi Urrutikoetxea

Erreserbak lurralde subiranoak izanik, abortatzeko debekutik kanpo daudela iradoki dute, baina asko uzkur daude. Begiradak oraintxe bideratu dira jatorrizko herrietara, baina gogoratu ere ez dira egin haietaz hamarkadotan utzikeria sufritu dutenean.
Serko Kaniwar da Zarok TV telebista kateko aurkezleetako bat. ©BERRIA

Haurrentzako telebista kate batek bizirik eusten dio kurduerari

Lara Villalon

Zarok TV kateak emititzen jarraitzen du, Ankarak aginduta itxi zuten arren. Kurdueraren dialekto guztietan ematen ditu saioak, eta helduek ere ikusten dute, hizkuntza ikasteko.
Polizia operazioaren kontrako manifestazio bat. ©BERRIA

Erdoganek prentsa librea isilarazi du

Orsola Casagrande

Iragan ekainaren 8an polizia operazio bat egin zuten zenbait kazetariren eta hedabideren kontra, Diyarbakirko fiskalak aginduta: hogei kazetari hartu zituzten atxilo. Turkiako Gobernuak prentsa askea mugatu nahi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...