Albistea entzun

Argi leuna forma artistikoekin

Alvaro Matxinbarrenaren 'Wild is the wind' erakusketa irailaren 31ra arte ikusgai dago Iruñean
Alvaro Matxinbarrena artista, <em>Wild is the wind</em> erakusketan, Iruñeko Ziudadelako bolborategian.
Alvaro Matxinbarrena artista, Wild is the wind erakusketan, Iruñeko Ziudadelako bolborategian. IDOIA ZABALETA / FOKU Tamaina handiagoan ikusi

Olaia L. Garaialde -

2021eko urriak 23 - Iruñea

Bobeda batek estaltzen du Iruñeko Ziudadelako Bolborategia. Sabaian dauden argiak gangari begira daude, eta argi leun batek argiztatzen du Wild is the wind (Haizea basatia da) erakusketa. Alvaro Matxinbarrena artistak azken urteetan egindako obrekin osatuta dago, eta urriaren 31ra arte egongo da ikusgai. Jorge Urdanoz Iruñeko Udaleko Kultura eta Berdintasun zuzendariaren arabera, bobeda horrek atmosfera «berezia» sortzen du: «intimoa» eta «ilunantza». Artistak atmosfera hori islatu nahi izan du: «Soilik sabaia argiztatuta erakusketa lirikoagoa da, eta hobeki funtzionatzen du».

1970eko hamarkadatik dabil lanean Matxinbarrena, eta haren obrak hainbat museotan egon dira ikusgai, hala nola Madrilgo Reina Sofia museoan, Donostiako Koldo Mitxelena kulturunean eta Quitoko Arte Garaikideko museoan. Haren lan bat 2009an egon zen azkenengoz Iruñean.

Matxinbarrena autodidakta dela dio: «Batez ere niretzat lan egiten dut; oso garrantzitsua da ikertzea, harritzea eta neure kabuz ikastea». Hala ere, badaki gero publiko batek ikusiko duela obra, eta uste du gizarteak ez duela heziketarik jaso arte plastikoaren mundua ulertzeko: «Literatura eta musika hurbilago sentitzen ditugu, baina arte plastikoa ez». Beraz, argi du artista plastikoak ezin duela espero besteek obra ulertzea. Hala ere, «konpromisoz» eta «zurruntasunez» jokatu behar dela dio, hori «oso aberasgarria» delakoan. Erakusketaz gehiago edo gutxiago gozatzea jasotzen duen pertsonaren «formakuntzaren, interesen eta sentsibilitatearen» araberakoa dela nabarmendu du.

Okrea, beltza eta zuria nagusitzen dira batez ere erakusketan. Koloreak «neutroak» eta «hotsandikoak» direla, eta kolore horiekin «eroso» sentitzen dela dio artistak. Batzuetan artelan koloretsuagoak egiten saiatzen da, baina ezabatu egiten ditu. Iruditzen zaio koloreen argiagatik bainoago, formak gehiago erakartzen duelako dela. Hortaz, perspektibarekin eta formarekin oso maiz jokatzen du. Forma geometrikoak protagonista dira, hala, eta harentzat zer diren azaldu du: «Forma bizitza da, hau da, burmuinetik eskuetara doana da». Matxinbarrenaren arabera, horretan interesa jartzen ez dutenek ere formak sortzen dituzte.

Zuntzezko zura erabiltzen du batez ere. Haren abantailak azaldu ditu: «Asko interesatzen zaidan itxura eta kolorea dauka; gainera, ez da uzkurtzen ezta dilatatzen ere. Oso egonkorra da; bidaiatzeko oso aproposa». Egur zatien hondakinak nahastuz sortzen da, eta margo akrilikoekin margotzen ditu.

Sortze prozesuan lau ardatz ditu: zorrotza izatea, ikastea, errepikakorra ez izatea eta bere burua harritzea: «Nire bizitza, nire haurtzaroa, nire dena... sortzeko abiapuntua dira». Prozesua nolakoa den ere azaldu du: «Nahiz eta amaieran atera den erakusketa oso emozionala izan, oso lan kontzientea eta arrazionala da». Fisikoki obra bat egin baino lehen zirriborro «asko» egiten ditu. Fisikoki egitean hasten da ogibideaz gozatzen; lixatzen, detaileak zaintzen, forma ematen eta amaierako emaitzara iristen. Alde batetik, «izugarri» gustuko duelako; bestetik, atzean «dirutza» ordainduko duen bezero bat dagoelako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bisitariak salmahaietako batean, atzo, Durangoko 56. Azokan. ©GORKA RUBIO / FOKU

Ezohiko azoka baten neurrian

Ainhoa Sarasola

Durangoko 56. Azokaren «balorazio positiboa» egin dute antolatzaileek. Landakon orotara 25.000 lagunetik gora bildu direla adierazi dute, eta kulturazaleen ardura txalotu. Salmentetan izan da alderik

Oskia Ugarte Abarzuza (Uharte zentroa), Sahatsa Jauregi Azkarate (Okela), Maria Mur Dean (Conssoni) eta Diana Franco (Kabia), atzo. ©GORKA RUBIO / FOKU

Ekoizpen digitalaren markak

Itziar Ugarte Irizar

Oskia Ugarte, Sahatsa Jauregi eta Maria Mur sorkuntza digitalaren inguruan aritu dira, Kabia gunean. Edozein egileren lana prisma horretatik harago begiratzearen alde egin dute
Ekhiotz Prieto eta Urko Peral, atzo, <em>Atarian.eus</em> plataformaren aurkezpen ekitaldian. ©GORKA RUBIO / FOKU

Eszena babesteko aterpe bat

Andoni Imaz

'Atarian.eus' guneak musika bideoak era «jasangarrian» emateko asmoa du, harpidetzen bidez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.