Garrido: «PPrengatik bizitza eman zutenak ohoratu behar ditugu»

Erredakzioa -

2021eko urtarrilak 12

Arabako, Bizkaiko eta Gipuzkoako PPko buru Laura Garridok adierazi du «PPren ideiak eta askatasuna defendatzeagatik bizitza eman zutenak ohoratu» egin behar direla, eta, hortaz, PP «beti» egongo dela «terrorismoaren biktimen eta haien memoriaren» ondoan. Era berean, esan du «errespetatu» egiten dutela Jose Ignacio Iruretagoiena zenaren sendiak parte hartu ez izana PPk hari egindako omenaldian. Garridok dio, ordea, PPk ez dituela biktimak «erabiltzen».

Polemika sortu da asteburuan omenaldi horren harira: Pablo Casado PPko presidenteak txio bat argitaratu zuen larunbatean, gogoratzeko duela 23 urte alderdiak Zarautzen (Gipuzkoa) zuen zinegotzia hil zuela ETAk. Honela idatzi zuen gero: «Gaitzetsi egiten dugu [Espainiako] Gobernuak itunak egitea asteon terroristak kartzelan bisitatu eta 'erregimena eraistearekin' mehatxu egiten dutenekin». Txioan argazki bat argitaratu zuen; horretan, besteak beste Iruretagoiena agertzen da, haur batekin.

Jose Ignacioren seme Mikel Iruretagoienak erantzun egin zion Casadori, Twitter bidez: «Bai, Casado jauna: neu naiz argazki horretan agertzen den umea». Eta ekitaldia kritikatu zuen: «Esan nahi nizun oso polita geratu zaizuela gaur [larunbatean] nire aitari eginiko omenaldia. Horren polita non geure familiako kide bakar batek ere ez duen parte hartu ekitaldian». Ironia kutsuarekin jarraitu zuen Iruretagoienak beste txio batean, eta biktimen familiekin horrela jokatzen segitzeko esan zion PPko buruari, «primeran» ibiliko direlakoan. «Utzi biktimen lepotik bizitzeari; bada garaia zuen politika beste zeozertan oinarritzeko, geure hildakoetan barik. Utzi aita bakean, mesedez».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Izpegin jende andana bildu da pasabidearen zerratzea eta Frantziako indar militarren okupazioa salatzeko. ©BOB EDME

Izpegiko pasabideari, mugarik ez

Ainize Madariaga

Nafarroaren zatiketa salatzeko, berrehun lagunetik goiti bildu da Izpegiko lepoan. Frantziaren okupazio militarra ere gaitzetsi dute

Gaur eguerdiko prentsaurrekoa, Iruñean. ©Jagoba Manterola / Foku

«Ziklo bat ixteko garaia da»

Joxerra Senar

Altsasuko gazteek, haien gurasoek eta herri plataformak agerraldi bateratua egin dute Iruñean. Eskerrak eman dituzte azken lau urteetan jasotako elkartasunagatik. 

Imanol Satrustegi historialaria. Tesia egin du Nafarroako ezker iraultzaileari buruz ©Iñigo Uriz / Foku

Utopia helburu

Edurne Elizondo - Nafarroako Hitza

NUPeko historialari Imanol Satrustegik 1970eko hamarkadako Nafarroako ezker «iraultzailea» aztertu du, hilaren 29an aurkeztuko duen tesian. «Iraultza xede hartzeak mobilizatzeko balio izan zuen».

 ©GORKA RUBIO / @FOKU

«Jaurlaritzak zuhur jokatu behar du»

Jon O. Urain

Anduezak uste du aurrekontu «oso orekatuak» egin dituztela. Pozik dago Eibarren eta Irunen EH Bildurekin eta EPrekin adostu dituztelako 2021erako kontuak: «Onuragarria da udaletan bide horiek esploratzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.