Noiz sortua: 2019-09-10 00:30:00

Migratzaileen seme-alaben euskara maila hobetzeko plan bat hasi dute

Euskara gaitasunak ikasketetan eragin ez diezaien, aparteko eskolak emango dizkie Jaurlaritzak

Garikoitz Goikoetxea -

2019ko irailak 10

Euskara gaitasun mugatua ikasketetan arazo izan ez dezaten, migratzaileen seme-alabentzako egitasmo bat jarri du martxan Eusko Jaurlaritzak: aparteko eskolak emango dizkiete komunikazio gaitasuna lantzeko, euskaraz trebatzeko. Hezkuntza Sailak azaldu duenez, proiektuaren helburua ez da Euskara ikasgaiko ordu gehiago ematea ikasle horiei, baizik eta gaitasuna hobetzeko saioak egitea, hainbat ikasgaitako edukiak ardatz hartuta. Aurten jarriko dute martxan proiektu pilotua, lau ikastetxetan: Gasteizen, Bilbon eta Eibarren, migratzaileen seme-alaba asko dituzten lau eskola publikotan. Bi ikasturteko proba da, eta emaitzak aztertzean erabakiko dute plana ikastetxe guztietara hedatu ala ez.

Gogoan izatekoa da hezkuntza arloko ikerketa ugarik kezka adierazi dutela ikasle batzuentzat ikasketetarako arazoa dela euskara maila apala —EAEko Eskola Kontseiluak urteko txostenetan adierazi izan du—. Gainera, azken ebaluazio diagnostikoek geldialdi bat erakutsi dute ikasleen euskalduntzean: Araban, Bizkaian eta Gipuzkoan, 14 urteko ikasleen %45ek ez daukate erreferentziazko euskara gaitasunik. Migratzaileen seme-alaben artean, gainera, handiagoa da gutxieneko mailarik ez dutenen ehunekoa. Aintzat hartzekoa da familia eta inguru erdalduna izan ohi dituztela ikasle horiek. Gainera, ISEK indize sozioekonomiko eta kultural baxuagoa dute, eta horrek zuzeneko eragina du eskolako errendimenduan —euskara gaitasunean ez eze, beste arloetan ere nabari da—.

Proiektu pilotu horren bitartez, komunikazio gaitasunean arazoak dituzten ikasleak ohiko geletatik aterako dituzte ordu batzuetan, eta bereziki hizkuntza lantzeko saioak emango dizkiete, eskolako hainbat gairekin lotuak. Eusle izena jarri diote proiektuari. Nahasmendua sor lezake izenak; izan ere, urteak dira Soziolinguistika Klusterra lanean ari dela Eusle metodologiarekin: hizkuntza ohiturak aldatzeko eredu bat da, besteak beste Euskaraldian kontuan hartu dutena. Jaurlaritzaren planak ez du harekin zerikusirik.

D eredua gora

Ikasturtea hasteko agerraldia egin zuen atzo Cristina Uriarte Hezkuntza sailburuak, Barakaldon (Bizkaia), Gurutzeta ikastetxean, eta han eman zuen Eusle egitasmoaren berri. Euskarazko irakaskuntzak beste koska bat egin du gora aurtengo ikasturtean Araban, Bizkaian eta Gipuzkoan: Haur Hezkuntzan, bost ikasletik lau pasatxo D ereduan ariko dira.

Aurtengo ikasturtean badu gai pisuzko bat mahai gainean Uriarte sailburuak: hezkuntza legea egiteko prozesua. Agindua du proposamen bat aurkeztuko duela urtea amaitzerako. Sailburuak nabarmendu du hezkuntza sistema «egokitzen eta hobetzen» jarraitu behar dela, eta lege berria behar dela horretarako. «Egungo legeak indarrean daramatzan 26 urteetan, aldaketa asko gertatu dira. Begi bistakoa da azken urteetan nabarmen aldatu dela errealitate soziala». Lege proposamena urtea bukatzerako aurkeztuta ere, denbora aldetik ezinezkoa izango da parlamentuko tramitazio osoa legealdi honetan egitea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna