Ehizan jardungo dira berriz Ulian, debekuak atzera bota dituztelako

Gipuzkoako Foru Aldundiak 46 postu ixteko agindu zuen 2014an, baina, auzitegiak kontra egin ondoren, ehiza baimendu du berriro ere
Ehizarako postu bat, Ulia mendian.
Ehizarako postu bat, Ulia mendian. JUAN CARLOS RUIZ / FOKU Tamaina handiagoan ikusi

G. Goikoetxea -

2019ko irailak 11

Ehiztariak bueltan dira Ulia mendian, bertan behera utzi baitute eremu horretan jarduteko debekua. Donostia eta Pasaia artean dago Ulia, eta Gipuzkoako Foru Aldundiak segurtasun eremu izendatu zuen 2014an: debekatu egin zuen ehiza. Talde ekologistek txalotu egin zuten neurri hura, baina Gipuzkoako Ehiza Federazioak auzitara jo zuen. EAEko Justizia Auzitegi Nagusiak ehiza federazioari eman zion arrazoi 2017an, eta joan den ekainean auto bat argitaratu zuen, epai hori betearazteko. Diputazioak atzoko aldizkari ofizialean egin zuen aldaketa: bertan behera utzi du Ulian ehizan jarduteko debekua.

EH Bildu zegoen aldundian debekua ezarri zutenean, baina Ulia mendiari buruzko eztabaida lehenagokoa da. Debekuaren foru aginduan azaldu zutenez, 1989tik Donostiako lurren zati handi bat segurtasun eremu izendatuta dago, «Donostiaren ingurunean segurtasun eraztun bat sortzearren eta, hartara, pertsonen eta ondasunen segurtasuna egoki zaintzearren». Hain justu, babes eremua handitzeko eskatu zuten Donostiako Udalak 2010ean eta Pasaiakoak 2011n. Bi udalek adierazi zuten «parke periurbanoa» dela Ulia, eta hori «bateraezina» dela ehizan aritzearekin. Denera 46 ehiza postu itxi zituen aldundiak, Ulia-Mendiola eta Mendiola-Platako Farola lerroetakoak.

Auzitegi Nagusiak, ordea, baliogabetzat jo zuen debeku hura. Besteak beste, 2011ko ehiza legea erabili zuen argudiotzat, Eusko Legebiltzarrarena. Haren arabera, segurtasun eremu izatetik salbuetsita daude 2011 baino lehen onartuta zeuden ehiza postuak. Horixe da Uliako kasua. Alegia, epaileen arabera, ehiza legea aldatu aurretik postuak ipinita zeudenez, orain ezin dituzte galarazi.

Orain dela bi urtekoa da auzitegiaren epaia, baina orain arte indarrean egon da debekua. Epaia betearazteko autoa jasota, aldaketa egin du diputazioak: bertan behera utzi du 2014ko agindua, eta baliozkotzat jo ditu Uliako 46 ehiza postuak. Donostiako lurretan daude gehienak, 36, eta gainerakoak, Pasaian. Udazken honetan ehizan jardun ahalko dute.

Azken hilabeteetan «greban» izan dira Gipuzkoako ehiztariak: basurdeak eta orkatzak hiltzeari utzi diote. Amaitu dute greba. Poza azaldu dute EHNE eta Enba sindikatuek ehiztariak berriz jardunean hasiko direlako; basurde uxaldiak berriz hastea «lagungarria» izango dela onartu dute. Aldiz, ehiza larrirako aldundiak eta ehiztariek itundu duten akordioa «atzera pausoa» iruditzen zaie.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna