Albistea entzun

LARREPETIT

Izan zirelako gara

Goizalde Landabaso -

2020ko urriak 13

Laburra da liburu baten bizitza. Haizea aldeko badu bizpahiru hilabete iraun dezake, eta denbora hori igarota saririk edota itzulpenik izanez gero luza liteke bere bizitza. Berriki neure eskuetara ailegatu diren liburu bik gogorarazi didate ia ezer ez dugula asmatu, eta belaunaldiro zerotik hasteko joerarekin amaitu behar dugula (ez soilik literaturan, bide batez).

Emakumeak mintzo. Aizan da aipatu nahi dizudan lehenengo liburua; Elkar argitaletxeak eta AEK-k batera kaleratu zuten. 1983ko liburua da, eta dagoeneko agortuta dago. Beharbada bigarren eskuko liburu dendaren batean aurki zenezake, edota (niri neuri jazo bezala) lagunen batek utz diezazuke. Bestela, jai duzu. Adin ezberdineko emakume euskaldunek hitz egiten dute zuk eta biok ditugun arazo berberez. Are gehiago, egun tabu iruditzen zaizkigun gauza horiez ere mintzo dira, hilerokoaz, esaterako. Ez gara hain abangoardia, edo Letek esan zuen lez, ez gara hain onak, benetan.

Niretzat, ordea, aurkikuntza bikaina da Echauz-eko anderia-k kaleratutakoa, hots, Madame D'Abbadie D'Arrast-ek eginikoa (Charles-en emazte eta Antonen koinata zenak). Liluratuta nauka. Jatorrian frantsesez idatzi zuen joan den mendearen hasieran, 1909an, Causeries sur le Pays Basque. La femme et L'enfant. Hasierako hitzak 1908an idatziak dira Baigorriko Etxauzeko gazteluan, bizi zen tokian. Liburua Dihursubehere senar-emazteei eskaini zien, batez ere emazteari (ez dut emakume honetaz deus ere aurkitu). Nik espainierazko bertsioa daukat (maileguan). Euskaraz kaleratu zen?

Marie D'Abbadie D'Arrast feminista porrokatua izan omen zen, eta emakumezkoen bertso saioen kronikak egiten ei zituen. Euskal Wikipedian sarrera ere badu, baina gutxik ezagutzen dugu. Berreskuratu beharko genituzke gure aurreko emakumeek egin zituztenak, besterik ez bada, erreferentziarik izan dugula gogoratzeko eta hain bakarrik ez gaudela sentitzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.