Albistea entzun

LARREPETIT

Piztiaren emozioak

Ander Perez Argote -

2022ko abenduak 9

Hala esaten dio galiziar anaia protagonistetako batek, As bestas filmean, kanpotik herrira etorritakoari: «Kaka usaina dugu». Eta hor laburtzen da film osoa erdibitzen duen marra: alde batean, bi anaia abeltzain, abandonura kondenatutako ogibide batean itota. Bestean, Frantziatik hara joandako bikote bat, lur puska bat erosi eta tomate ekologikoak ekoiztera dedikatzen dena. Eta bien tartean, enpresa bat, haize errotak jarri asmoz maletin bete diru iritsia, lurrak uztearen truke. Anaiek miseriazko bizitza atzean uzteko aukera ikusi dute eskaintzan, baina jabe guztien botoak behar ditu proiektuak, eta frantziarrek ez dute berena eman nahi. Ingurugiroan sortuko den kaltea eta lau sosen truke herria hutsarazi beharra dute argudio.

Kontuak kontu, bi anaiek frantziarren kontra bideratutako eraso, mehatxu eta izu oldea kontatzen du filmak. Anaiak bi piztia biolento dira. Eta hala, ezinbestean sorrarazten zaio ikusleari haiekiko arbuio eta beldurra. Baina ez osorik. Zeren eta, aldi berean, nola ez ulertu behingoz mundu horretatik irteteko aukera eduki eta ukatzen zaien anaien frustrazioa? Zer eta, gainera (tori beste osagai bat barne-gatazkarako) duela gutxi kanpotik etorritakoa bada oztopo? Nola ez bigundu, piztiak piztia, halako emozioen aurrean?

Bi anaia horien izugarrikeriak zuritu behar ez izateko, emozioak ezin duela dena zilegiztatu errepikatu diot neure buruari zinematik irtenda. Eta gogoratu dut nola esaten genien biktimei, gatazkaren gordinean, haien minak ezin zuela politika baldintzatu. Baina pentsatu dut, aldi berean, nola (eta eskerrak) badiren pertsonen zaurgarritasuna politikaren zentroan jartzen duten gero eta ahots gehiago, gogortasuna baldintza zen garaietatik ez hain urruti. Arrazoiaren eta emozioaren artean oreka nola bilatu izango da kontua. Baina horretarako, hasteko, ebatzi beharko genuke, adibidez, zeretik duen gehiago «kaka usaina dugu» esaldiak, emoziotik, edo arrazoitik. Eta ez da hain erraza erantzuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.