Albistea entzun

LARREPETIT

Euskarazko izenak

Goizalde Landabaso -

2022ko azaroak 8

Gurasoak tematu ziren: Goizalde izan behar nuen; Miren, Maria edo Marie barik. Etxean beti kontatu izan da bai nirekin, eta baita neben izenekin ere, Euskaltzaindira jo behar izan zutela. Gure izenek espainieraz parekorik ez zutela erakutsi behar izan zuten. Beraz, etxean gorderik dut Euskaltzaindiaren agiria. Dagoeneko ohitu egin naiz nire izena errepikatzen, hizkiz hizki kantatu, esangura ematen ere bai. Ohitu eta aspertu. Espainiako Estatistika Institutuak duen webgunean diotenez estatuan 201 emakume gara izen hau daramagunak, Hego Euskal Herrian denak. Frantziako Estatistika Institutuan ere begiratu dut, baina orriak dio gutxiegi dagoela aintzat hartzeko.

Euskarazko izena baduzu, zelanbaiteko fiskalizazioa egingo dizute: zer esan nahi du? Nongoa? Zein mendetakoa? Eta gero esango dizute (neuri behintzat pasatu zait) ea zergatik ez duzun izen errazagoa, Patricia edo Beatriz bezalakoak. Behin Jabier izena zuen gizon bat ezagutu nuen, nire izena esan nionean atoan galdetu zidan esanahiaz. Bere izenaren esanahia esaterakoan adieraziko niola aipatu nion. «Nire izena santu bat da», erantzun zidan. Salbuetsita daude santuak, antza; esangurarik ez. Okerragoa da zure euskarazko izenak espainieraz parekorik badu. Gontzal bazara Gonzalo izango zara; Katalin, Catalina; Ander, Andrés. Batzuentzat soilik gara gazteleraz bagara.

Zinez opa diot Haziari (eta bere gurasoei) Euskaltzaindiaren agiria. Behin eta berriro azaldu beharko du hasieran H dela, eta Z hizkiz idazten dela. Ahaldundu beharko du, baina berarentzat hautatu zuten izena eramango du. Angustias edo Dolores izenak eraman zitzakeen. Ziurrenen, Gasteizko epaileari ondo begitanduko litzaizkioke izen horiek. Ez dakit zer gertatzen zaien Gasteizko epaile batzuei euskararekin. Zaila dela irizten du batek, Hazia ezin dela izena izan gizonezkoek isurtzen duten likitsa delako besteak. Gorrotorik ote? Gutxiespenik?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.