LARREPETIT

Hitzarmena

Samara Velte -

2019ko irailak 20

Akordio ofizial batekin eta hitzarmen inplizitu ugarirekin amaitu da 11/13 auziko epaiketa, zenbaitek «Dena da ETA» dotrinaren azken arrastotzat jotzen zutena. Jokaleku tranpati batean ebatzitako quid pro quo pragmatikoa izan da: alde batek onartu du, bere askatasunaren truke, bere izena eta jarduna baldintza dezakeen narratiba ofizial bat, eta, beraz, ETAko kidetza idatzita geratuko da idazki judizialetan. Beste aldeak, konfrontaziozko eskemetan kateatuta, kontakizunaren bataila delakoan puntu bat irabaztearen truke, uko egin dio ikusi nahi zuen irudi bati: 47 abokatu, psikologo, kazetari eta abar, 2019an oraindik espetxera sartzen.

Gainerako guztiok ere akordio tazitu bat egin dugu, harreman iraunkorrenetan egiten den moduan: etorkizun bareago baten izenean, uko egin diegu berez badagozkigun egia zehatzegiei. Jakin badakigu gatazka politiko eta armatu larrien osteko osatze prozesuetan beharrezkoa dela gertatu dena argitzea eta bakoitzari berea aitortzea, baina isilik erabaki dugu oraindik ez gaudela puntu horretan. Idazki ofizialetatik haragoko egiak intimitate pribatuan gorde ditugu, agian hemendik hamarkada batzuetara kazetari gazteren batek, artxibo judizialetan geratuko diren bertsio ofizialekiko mesfidati, «Egiaz zer gertatu zen 47ekin?» galdetuko digun esperantzaz.

Zerbaiti uko egin, zerbait irabazi, eta hura nabarmendu; negoziazioetatik aurrera egiteko motorra. Espainiako eskuinak erruduntasunaren aitorpena txalotu du, akordioaren estrategikotasuna ezkutatuta. Akusatuek espetxera joan behar ez izatearen lorpena goraipatu dute, eta gainerakook lasaitua hartu dugu, iraganeko jokamoldeetatik apur bat aurrera egiten ari garen sentipenaz. Eta gero hor dago Eusko Jaurlaritzaren irakurketa, bere akordio partikularren fruitu: «ETAko makos frontea» epaitu dutela Madrilen. Jaurlaritzak zeri egin dion uko nahiko nabarmena da; galdera da zer irabazi duen bide horretan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna