Albistea entzun

LARREPETIT

Elkar berotuko?

Blanca Urgell -

2022ko azaroak 30

Ikonikotasun terminoak zeinu baten formaren eta esanahiaren arteko antzekotasuna adierazten du. Hitzak arbitrarioak izaten dira: mahaiari mahaia deritzagu, zergatik eta hargatik. Halere, hitz batzuk ikonikoak dira, hala nola mau-mau, meeee, bor-bor edo sasta, denok dakigunez.

Hori hizkuntzaren alor gehiagotan islatzen da. Adibidez, hizkuntzek gure elkar adierazteko dituzten baliabideetan. Maslovak eta Nedjalkovek (2013) elkarkari ikonikoak eta ez ikonikoak aurkitu dituzte hizkuntzetan. Elkarkariek berez bi ekintza bakunen batuketa adierazten dute; alegia, Jonek maite du Izar eta Izarrek maite du Jon(e) bi perpauson batuketatik sortzen da Jonek eta Izarrek elkar maite dute egitura elkarkaria. Bada, egitura elkarkari ikonikotzat jotzen dira aditz nagusia errepikatzen dutenak: euskaraz Jonek eta Izarrek maite-maite dute esango bagenu bezala diote Papua Ginea Berriko amele delakoaren hiztunek, adibidez.

Elkarkari ez-ikoniko ohikoenak elkar bezalako partikulak dira. Alexandra Aikhenvalden lan batean irakurri dut Ginea Berriko manambu hizkuntzan —sintetiko, eranskari eta atzizki ugarikoa hau ere— wa partikulaz osatu ohi dituztela egitura elkarkariak, baina badute baliabide bitxiagorik. Izan ere, aditz erroari eransten zaizkion norabide-marka asko dituzte, eta horietatik 'urrutitik' eta 'barrurantz edo kanporantz' adiera duten norabide-marken konbinazioak batzuetan ulerkera elkarkaria dauka; zehazki partaide ugarik ekintza ugari egiten dituztela adierazten du, haiek jo-urrutitik-barrurantz esanez 'elkar dinbi-danba jo zuten' ulertzeko moduan, antza.

Hau idatzi bitartean, lehenik hankak hoztu zaizkit, eta orain eskuak ere, nahiz teklatuan gora eta behera aritu, eraikin honek gehienez 19 gradutara egon behar duela erabaki dutelako agintariek. Baliteke lankideok elkar berotzeko gonbitea izatea hau, dinbi-danba zein maite-maite.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...