Albistea entzun

LARREPETIT

Etorkizunak eta iraganak topo egitean

Goizalde Landabaso -

2022ko azaroak 22

Irulegiko Eskuak askorako eman du, solasaldi interesgarri askorako abiapuntu izan baita. Bideak, baina, hamaika sigi-saga izan litzake, eta geraleku bitxietan utz zaitzake. Horietako batean txirikordatu ginen lagun bat eta biok. Nire lagunak uste du bere sortze lanak ez direla geroan agertuko. Ez kalitaterik ez dutelako, emakumea delako. Eta hain izan du argi horrela izango dela, susmo beltzak uxatzen eman dugula denbora luzea.

Gutxi dakigu iraganaz, eta dakizkigun apurrak gure aurreiritzien galbahetik pasa ostekoak izan ohi dira. Iragana gizonezkoek kontatu digute, eta zirrikituren batetik emakumezkoren baten izena agertu denean beti kolokan jarri izan da. Auskalokeria. Liluragarria da ezabatze lan horretarako hartutako lana. Gizon eta emakumeen egiletzak begiratzea besterik ez dago. Gizonezkoenak zirrikiturik ez du; emakumezkoenak, ostera, zalantzaren gandua du beti. Adibidez, Lazarragaren eskuizkribuan agertutako poemak. «Maria Estibaliz de Sasiolarena», dio. Wikipediara bazoaz, zalantza begi-bistan dago: «agian, euskal idazle eta olerkaria izan zen; hala izan baldin bazen, euskal idazleen artean lehen emakumezkoa bide da. Egun, Joan Perez Lazarragakoaren eskuizkribuan jasotako hiru olerki harenak diren ala ez ebazteke dago».

Parisen jaiotako Marylène Patou-Mathis historiaurrean aditua da, neandertalez gehien dakitenetakoa. Idatzitako liburu batean (Historiaurreko gizakia emakumea ere bada) emakumearen gainean dauden aurreiritziak agerian uzten ditu. «Historiaurrean gizona emakumearen gainetik zebilela adierazten duen zantzu zientifikorik ez dago».

Gonzalo Torné idazle eta filosofoak dioen bezala, etengabe ari gara historia berrinterpretatzen. Gerorako, baliteke hitz bakarra gelditzea, gutaz deus gutxi esango duena; eta berba horretan egongo da, bi mila urte barru, hiru milioi pertsonaren lekukotza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.