Albistea entzun

LARREPETIT

Etxebizitza kontuak

Goizalde Landabaso -

2022ko abenduak 6

Belagua ingurua ere zuritu da eta hotz egiten du egunotan, leku denetan. Etxerako bidean zubipean edo kale bazterretan lo egiten dutenak ote dauden begiratzen egon naiz, baina ez ditut ikusi. Hotzak datozenean kalean bizi (edo) direnak aterpetxetara joan ohi dira (edo eramaten dituzte) hiri honetan. Espainia eta Frantziako konstituzioetan ageri da frantziar eta espainiar nazionalitatea duten pertsonek eskubidea dutela etxebizitza izateko. Lehenak dio duina eta egokia izan behar dela. Bigarrenak, aldiz, duina eta independentea. Nik kalean bizi diren horiek ezin ditut irudikatu ezta frontoietan, etxebizitza zozketetan, zain; erakunde publikoek diruz sustatutako etxebizitza horietarako suertea aldeko izango ote duten, zain. Ez dute aldeko.

Irakurri berri dut babes ofizialeko etxe gehiago eraikiko dituztela Hegoaldean. Ai horietakoren batean balute abaro nire kale inguruko gorrian bizi diren horiek. Ai, baina ez dut uste. Begiratu dut babes ofizialeko etxe horiek alokairukoak edota jabetzakoak izango ote diren. Gehienak jabetzakoak dira. Bizkaian, Araban eta Gipuzkoan 2005-2019 tartean eraikitako etxebizitzen %18,3 baino ez da alokairukoa. EAEko Etxebizitzaren Behatokiaren datuak dira.

Nik beti izan dut zalantza-malantza babes ofizialeko etxebizitzen jabetzarekin; gero eta argiago dut alokairuzkoak izan behar direla, norberaren soldataren araberako alogeradunak. Azken aldiotan, baina, zalantza are eta gehiago urritzen doakit. Izan ere, babes ofizialeko etxe izandako batzuk libre bilakaturik, legeak araututako preziotik aske, izugarrizko dirutzak eskatu dituzte. Mozkin itzeletatik ezer ez du jasoko administrazio publikoak bueltan, hots, hiritarrok.

Viena hiria eredugarria dela esan dit ezaguna dudan arkitekto batek. Hiritarren %60 bizi dira alokairu luze neurtuetan, irabazien araberako prezioa dutenak. Bai, gero eta argiago dut.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.