Noiz sortua: 2019-06-04 00:30:00

LARREPETIT

Hiritar erantzukizuna

Goizalde Landabaso -

2019ko ekainak 4

Liluratuta nauka azken hilabeteotako Britania Handiak. Glamour eta dotorezia oro erantzirik etxeko trapuak haizatzen hasi da. Errealitateak gainditzen du fikzioa. Hortaz, telesail politikoa balitz bezala ikustea gomendatzen dizut. Orain arte Lehen Ministro izandako Theresa May badoa, eta, dena emanda dagoela uste duzunean, dzast!, bere ordezkoa izan litekeen Boris Johnsonek espetxean amai lezake. Epaitegiaren aurrean kontuak eman beharko ditu 29 urteko Marcus Bull (no eta to abizena!) hiritarraren ekimenari esker. Ustelkeria? Botere-erabiltze desegokia? Ez. Kanpaina politikoan gezurra esatea. 200.000 libera lortu zituen crowdfunding bidez Bullek epai bideari ekiteko. Britaniarrak engainatzea (ez engaiatzea) aurpegiratzen dio Lewis Power (abizena, again) abokatuak Bullen izenean. Britania Handiak Europako Batasunari astero 350 milioi libera ematen zizkiola argudiatu zuen Johnsonek brexit-en aldeko botoa eskatzeko. Bullek, Powerrek eta gainontzekoek uste dute gezurra zela jakin arren brexit-aren aldeko botoak eskuratzeko erabili zuela.

Gezurra. Post-egia. Egun egon litezkeen Watergate guztiek biderik izango lukete? Espainiako estatuan PP alderdiak zituen ustelkeria kasu guztiekin oraindik ere hiritarrek botoa emateak harritu zuen 2014an Finantial Times egunkari entzutetsua. Post-egiarena, baina, kontu globala da. Gure boto-tradizioaren preso gara ala gure erosotasunaren preso? Emozionalak ei gara botoa ematerako orduan. Gotemburgeko unibertsitatean irakasle den Victor Lapuente Ginék dio politikariek esaten digutenak erakartzen gaituela, eta ez dugula horren gainean hausnartzen, ez dugula sinesgarritasunik edota egingarritasunik izango ote duen pentsatzen. Hausnartu eta haurhartu. Memoria-politiko laburra daukagu, post-egiaren ostean zer ote datorkigu? Barka iezadazu errematatzen ez badut, haserretuegi nago eta delitu izan liteke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Bilboko mintzapraktika sareko Ioana haurrak eta Sergio Garcia boluntarioak astean hiru aldiz egiten dute mintzapraktika, bideo deien bidez. ©MARISOL RAMIREZ / FOKU

Euskara izan dezaten

Amaia Ramirez de Okariz Kortabarria

Eskolak itxita, euskaraz egiteko aukerarik gabe geratu dira milaka ume eta gazte: mintzapraktika sareak sortu dituzte. Bilbo Handian 450 haurrengana heldu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna