Albistea entzun

LARREPETIT

Mundu asko dago gure munduan

Goizalde Landabaso -

2022ko azaroak 1

Ibiltzen hasi berria zen kizkur argiak zituen mutikoa. Txupetea zeraman arren, ondo ederto ulertzen zitzaion. «Maricón del culo» (irain higuingarria) ziotsan amamak txanpon makinara bidean. Amama zela nik ondorioztatu nuen. Ahots erabat zarramazkatuz errepikatzen zion noizean behin iraina, amultsuki. Bozaren urradura neronek sentitzen nuen, aldarri egiten zuenero. Dirua xahutzeko makinetako soinu eta koloreek liluratua zuten ozta-ozta bi urte izango zituen umea. «Lerro bi baina nahiago dut ez aldatu», ziotsan amamak txanponak sartu ahala. Umeari gustatzen zitzaion ulertzen ez zuen makina hori, eta tarteka eman behar ez zionean sakatzen zuen botoia. «Dale, maricón», animatzen zuen amamak. Tabernan gutxi geunden. Tabernaria, sakelakoan sartuta zegoen emakumea, amama-ilobak, eta neu. Txanpon oro xahuturik billete bat aldatzeko eskatu zion tabernariari. Umeak, pozarren, jauzi txikiak egiten zituen. Amamak, eserleku altuan jarri, eta jokoaren nondik norakoak azaltzen zizkion heldu bat balitz bezala. Umeak botoia sakatu eta sakatu nahi zuen. Haserrealdia ere izan zuten. Amamak ezetz, eta umeak baietz zioen eztarriko hotsekin.

Sakelakoan bizi zen emakumeak soinurik bako deia jaso zuen, eta beste aldean zegoenari esan zion ez zuela telefono konpainia aldatu nahi, pozik zegoela zegoenarekin. Orduan beste emakume gazteagoa sartu zen, komunera. Amama eta ilobaren albotik pasatzerakoan «hola, bebé» esan zion mutikoari. Ama omen? Klon eta klon egiten zuten txanponek makina barruan. Eskuarteko txanpon barik geratu zenean jokoa amaitutzat eman zuen amamak. Umeak, ordea, gehiago nahi zuen. Emakume gazteagoak eraman zuen azkenean, eta hiru geratu ginen taberna barruan, isilik. Nik pentsatu nuen zenbat mundu sar zitezkeen gure munduan; telefonoa eskuetan zuen alboko emakumeak galdetu zion tabernariari, «badakizu nortzuk diren, ez?». Eta tabernariak baietz egin zion buruarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...